24 February 2011
03:46 - Яшасин Улуғ Апрель Инқилоби – қирғизларнинг навбатдаги масхарабозлиги
1917 йил 7 ноябрь (эски календарь бўйича 25 октябрь) куни давлат тўнтариши йўли билан ҳокимиятни қўлга олган большевикларнинг ўзи бўлган воқеани узоқ йиллар айнан давлат тўнтариши деб аташган. Воқеанинг 10 йиллиги муносабати билан биринчи марта Улуғ Октябрь Социалистик Революцияси атамаси жорий қилинганди. Шу-шу оддий бир давлат тўнтариши Улуғ Октябрь Социалистик Революциясига айланди.

Ўтган йили 7-чи ми 8-чи апрелида давлат тўнтариши қилган қирғиз “демократлари”, афтидан, 10 йил кутиш ниятида эмаслар.

Бугун бу мамлакатнинг ноқонуний президенти Роза Отунбоева махсус Фармон чиқариб, ўтган йилги давлат тўнтарилишининг бир йиллигини нишонлашни режалаштирибди. У ўз аппаратининг раҳбари Эмилбек Каптагаев раҳбарлигида Ташкилий Комитет тузиб, давлат тўнтаришининг бир йиллигини Апрель Халқ Революциясининг бир йиллиги сифатида байрам қилиш учун тадбирлар режасини ишлаб чиқаришни топширибди.

Роза хонимнинг бу фармони туфайли иккита савол туғилади. Биринчидан, нима учун “демократия” сўзи унутилди ва бу тўнтаришга “Апрель Демократик Революцияси” номи берилмади? Иккинчидан, большевикларнинг тузуми сал кам 74 йил умр кўрган экан, ўзбекларнинг қони эвазига қонунлаштирилаётган қирғиз режими қанча умр кўрар экан?

Дарвоқе, иккинчи саволнинг жавоби аниқ. Бу режим - ўзбек миллатига хоинлик қилган ҳозирги Ўзбекистондаги ҳокимият қанча умр кўрса, шунча умр кўради.
« Олдинги хабар Хабарлар рўйхати Кейинги хабар »