17 December 2010
23:25 - Қурмонбек Бақиев тарафдори Қирғизистон парламенти расилигига сайланди
Қирғиз ахборот воситаларининг хабарига кўра, бугун яширин овоз бериш йўли билан “Ота-Юрт” партиясининг лидери Аҳматбек Келдибоев Қирғизистон парламенти – Юқори Кенгашнинг раиси этиб сайланди. 119 депутатдан 101 нафари Аҳматбек Келдибоев учун овоз берган.

Давлат тўнтариши йўли билан президентликдан ҳайдалаган Қурмонбек Бақиев тарафдорларидан иборат бўлган “Ота-Юрт” партияси билан коалиция қурган ва асосан Бақиев душманларидан иборат бўлган Социал-демократик партиянинг раиси Алмазбек Атамбаев Бош вазир, коалицияга кирган яна бир партия – “Республика” партиясининг лидери Омурбек Бабанов парламент раисининг ўринбосари бўлиши кутилмоқда.

Ноқонуний равишда ҳокимиятга келиб, бунинг устига бундай сунъий коалициялар билан иш олиб бормоқчи бўлган янги ҳукумат Қирғизистон олдида турган вазифалардан бирортасини, хусусан, ўзбек-қирғиз қарама-қаршлигини ҳал этолмаслиги ҳозирданоқ маълум.

Келажкада эҳтимоллиги энг катта бўлган сценарий – ахир бир кун Қурмонбек Бақиев тахтига қайтарилиши, Қирғизистон таркибида пойтахти Ўш шаҳри бўлган ўзбеклар автономияси яратилишидир.
« Олдинги хабар Хабарлар рўйхати Кейинги хабар »