10 May 2010
00:26 - Тошкентда байрам ўзига хос равишда нишонланди
Ғалаба куни Ўзбекистонда одатдагидек Хотира ва Қадрлаш куни сифатида нишонланди. Бугун Тошкентнинг Хотира майдонидаги Мотамсаро она ҳайкали пойдеворига президент Ислом Карим тарафидан гулчамбар қўйилиши ва унинг бу ердаги нутқини Ўзбекистонда ўтказилган ягона байрам тадбири деб баҳоласа бўлади.

Ислом Каримнинг нутқидан кўринадики, у “Ғалаба куни” ўрнига Хотира ва Қадрлаш куни ибораси киритилишининг маъносини ўзи ҳам ҳалигача тушунмайди. Чунки, у асосан сўнгги уруш қурбонларини хотирлаш, унинг иштирокчиларини қадрлаш лозимлиги ҳақида гапирган. Яъни, бу кун ҳамма ўтганларни хотирлаш ва қадрлаш эмас, Улуғ ватан уруши қурбонлари ва қатнашчиларини хотирлаш ва қадрлаш куни сифатида нишонланмоқда. Демак, ном ўзгартирилишининг маъноси йўқ.

Ислом Каримнинг нимага Москвага бу кунни нишонаш учун бормагани эса, ҳали ҳам номаълумлигича қолмоқда. Табиий, бунинг қандайдир сабаби бор. Сабабнинг асосида нишонланаётган куннинг номи ётмаётгани ҳам аниқ.
« Олдинги хабар Хабарлар рўйхати Кейинги хабар »