02 April 2010
05:32 - Спорт мактабларидаги аёл ўқитувчиларга устама ҳақ берилади
Ўзбекистон президентининг кеча эълон қилинган Қарорига кўра, 2010 йил 1 апрелдан бошлаб, қишлоқ жойлардаги умумий таълим мактабларида, ўрта-махсус таълими муассасаларида ва болалар-ўсмирлар спорт мактабларида жисмоний тарбий ўқитувчиси ҳамда спорт устози бўлиб ишлаётган аёлларнинг тариф ставкаларига ҳар ойда 15 фоиз миқдорда устама ҳақ белгиланади. Бу Қарор Молия вазирлиги, Халқ таълими вазирлиги, Маданият ва спорт вазирлигининг таклифи билан қабул қилинибди.

Олиқишланиши керак бўлган қарор. Аммо, бу Қарорни бажариш учун давлат қўшимча маблағ ажратмагани қизиқ. Ҳамма нарса мажуд давлат бюджетининг таълим тизимига оид қисмидан олиниши кераклиги Қарорда алоҳида урғуланган. Ҳукумат, масалан, информатизация ва компютеризацияга оид ишларни қисқартириш ҳисобига бу Қарорни бажаришга киришса, ҳайрон бўлмаслик керак.

Балки, қарор жаҳон ҳазилкашлар куни имзолангани бежизмасдир.
« Олдинги хабар Хабарлар рўйхати Кейинги хабар »