20 January 2010
16:23 - Қозоғистоннинг Наркобизнесга қарши кураш комитетининг қочиб юрган собиқ раиси Туркияда ушланган
Казинформнинг хабаридан маълум бўлишича, Асқар Исагалиев ва бир неча кишига қарши лавозимини суиистеъмол қилиш бўйича жиноий иш очилган, аммо у тергов даврида сўроқларга чақирилганда ҳеч келмаган, кейин у ғойиб бўлгани аниқланган. Шундан кейин у Интерпол орқали қидирувга берилган.

Қисқа вақти ичида унинг изи Россия, Ўзбекистон, Хитой, Гонконг, Исроил ва Италияда кўрилган. Сўнгра у Туркиядалиги ҳақида маълумот олинган ва бугун Ички ишлар вазирлигидаги брифингда унинг Анталияда топилгани ва Туркиянинг тегишли органлари тарафидан ҳибсга олингани билдирилган. Энди уни Қозоғистонга экстрадиция қилиш масаласи ҳал қилиниши керак.
« Олдинги хабар Хабарлар рўйхати Кейинги хабар »