19 January 2010
14:07 - Тошкент вилоятида 1 кг героин қўлга туширилди
Тошкент вилоят ички ишлар бошқармасининг ходимлари героин олиб-сотиш пайтида уч кишини қўлга олишди, дейилади Ички ишлар вазирлигининг матбуот марказидан олинган хабарда.

Икки эркак бир аёлга бир килограммдан ортиқроқ оқ кукунни $11 мингга сотаётган пайтда қўлга олинишган. Улар героинни Тожикистонда сотиб олиб, айланма йўллар билан Ўзбекистонга олиб келишган экан. Бу воқеа бўйича жиноий иш очилган. Ушланганларнинг ҳар бири 10-20 йил қамоқ жазоси олиши мумкин.
« Олдинги хабар Хабарлар рўйхати Кейинги хабар »