24 November 2009
21:26 - Ўзбекистон нега Қозоғистон билан чегарасини қисман ёпгани ҳали ҳам ҳам маълум эмас
19 ноябрдаги хабаримизда, Новости-Қозоғистон агентлигига асосланиб, Ўзбекистон қўшни Қозоғистон билан чегарсини ёпганини билдиргандик. Шу агентликнинг бугун тарқатган хабарига кўра, Ўзбекистон ҳалигача Қозоғистон тарафининг бу масала бўйича муржаатига жавоб бермаган. Қозоғистон Ташқи ишлар вазирлигининг вакили Ержан Ашикбаев Остонада берган брифингида айнан шундай дебди: “Биз чегара ёпилганини тасдиқлаймиз. Бунинг ташаббусчиси Қозоғистон тарафи эмас, бундай қарорнинг мотивлари ҳақида ҳалигача расмий информация йўқ.”

Брифингда яна бир бор таъкидланишича, Ўзбекистонда аккредитация қилинган қозоқ дипломатлари, Қозоғистондан мамлакатига қайтаётган Ўзбекистон фуқаролари ва Ўзбекистондан ўз мамлакатига қайтаётган Қозоғистон фуқаролари бемалол чегарадан ўтоладилар. Учоқлар билан чегарадн ўтиш ҳам тақиқланмаган. Яъни, чегара ростдан ҳам қисман ёпилган.
« Олдинги хабар Хабарлар рўйхати Кейинги хабар »