10 September 2009
00:42 - Тоҳир Йўлдошнинг шаҳри Наманган ҳам ғарблашмоқда, ўз ўйнашини пичоқлаган йигит жасадни топиб ҳам берди
Бор-йўғи бир неча куни аввал, тўғрироғи, 6 сентябрдаги хабаримизда Навоийда бир йигит ўзининг собиқ ўйнашини ўлдириб, унинг янги жазманини ўлдиришга харакат қилганини билдиргандик. Уни ўқиганлар “Бу Навоий, руслашган шаҳар, ҳақиқий ўзбеклар бундай ишларга қўл урмайди”, деб ўйлашган бўлиши мумкин. Аммо, бугунги хабаримиз ўзбекчиликнинг рамзи бўлган Намангандан.

Бу ерлик мухбиримизнинг хабар беришича, Наманган шахрининг 2 микрорайониида жойлашган “Олтин балиқ” чойхонасида официант бўлиб ишловчи қизнинг онаси, бева аёл Лайлохон 20 кундан бери қидирувда эди. У тўсатдан йўқолиб қолган.

Шаҳар ички ишлар бошқармаси ходимлари чойхона ёнида жойлашган ароқ сотадиган дўконда ишловчи, Лайлонинг ўйнаши эканликда гумон қилинган Шавкат исмли йигитни сўроқ килишган. У ҳақиқатдан Лайло билан “юргани”, бирга ароқ ичишаётган пайтда тортишиб қолишгач, Лайлони пичок билан ўлдирганини тан олишга мажбур бўлган. Балки мажбур қилинган.

Шавкат Лайлонинг жасадини канализация қудуғига ташлаб юборган экан, ўша жойни кўрсатгандан кейин бечора аёлнинг жасади топилган.

Мана сизга Наманган, мана сизга Тоҳир Йўлдошнинг юрти, дейди мухбиримиз.
« Олдинги хабар Хабарлар рўйхати Кейинги хабар »