28 August 2009
02:25 - АҚШнинг мамлакатимиздаги янги консули журналистларга гап берди
Бугун АҚШ элчилигидаги анъанавий пресс-гапда Қўшма Штатларнинг Ўзбекистондаги янги консули Дэвид Мика журналистларнинг саволларига жавоб берди. Фавқулодда ҳозиржавоблиги ва қувноқлиги билан кўпчиликни ҳайрон қоллдирган дипломат бундан бир ҳафта илгари Тошкентга келган.

У энди Тошкентдаги элчихонада консулликни бошқаради. Испания, Сальвадор ва Венгрияда фаолият олиб борган жаноб Мика кейинги уч йилда мамлакатлараро борди-келдиларни тартибга солади.

Журналистларнинг саволларидан кўринишича, АҚШ элчихонаси консуллик бўлими фаолиятидан кўпчилик норози. Бу кайфиятга жавобан янги консул ҳамманинг кўнглини бирданига олиб бўлмаслиги ҳамда у бундан кейин ҳам бошқа ҳамкасблари қатори қонун ва тартибларга қаътий амал қилишини таъкидлади, дейди мухбиримиз.
« Олдинги хабар Хабарлар рўйхати Кейинги хабар »