Қўшма Штатлар НАТО ҳудудининг “ҳар бир қаричини, агар керак бўлса” ҳимоя қилиш мажбуриятини тасдиқлади. Бу ҳақда АҚШ мудофаа вазири Ллойд Остин маълум қилди.

НАТО ядровий режалаштириш гуруҳининг бугун ёпиқ эшиклар ортида ўтадиган музокаралари арафасида альянснинг Брюсселдаги саммитида айтиб ўтибди. Ллойд Остиннинг сўзлари Reuters томонидан келтирилибди.

Украина билан уруш пайтида ядро қуролидан фойдаланиш таҳдиди Владимир Путин ва Россия давлатининг бошқа юқори лавозимли амалдорлари томонидан бир неча бор тилга олинган экан.

Бундан олдин Йенс Столтенберг Украина ҳаво ҳужумидан мудофаа тизимини мустаҳкамлаш НАТО давлатларининг ҳарбий ёрдами учун устувор вазифага айланишини маълум қилган экан.

Унинг қайд этилишича, Украинага ҳаво ҳужумидан мудофаа тизимларини зудлик билан етказиб бериш “шаҳарлар ва мамлакатнинг кўп қисмини тинч аҳоли ўлими ҳамда муҳим инфратузилманинг вайрон бўлишига олиб келаётган даҳшатли ва пала-партиш Россия зарбаларидан ҳимоя қилишда” ёрдам бериш учун зарур экан.

НАТО Бош Котиби Россиянинг ракета ҳужумларини Владимир Путиннинг муқобил вариантлари тугаб бораётганининг белгиси деб атабди ва бунинг олдини олиш масаласини ҳам тилга олибди.