09 March 2022
01:00 - АҚШ Президенти Жо Байден Россиядан нефть, газ ва кўмир импортини буткул тақиқлади, унга раҳмат айтишимиз керак!
Америка Қўшма Штатлари Президенти Жо Байден Россиядан келаётган газ, нефть ва кўмири импортига тақиқ қўйишини маълум қилгани ҳозиргина эълон қилинди.

Унинг сўзларига кўра, бу қадам америкаликларнинг Владимир Путин режимига яна бир кучли зарба берганини англатади, дейилади хабар агентликлари хабарида.

“Биз Владимир Путиннинг урушини субсидиялашда иштирок этмаймиз”, деб қўшимча қилинибди Жо Байденнинг хабарида.

Ўз баёнотида Жо Байден бу қарорни АҚШ иттифоқчилар билан маслаҳатлашиб қабул қилганини, АҚШ Европадаги иттифоқчиларнинг Россиядан энергия ресурслари импортига нисбатан тақиқларга қўшила олмаслигини яхши тушунишини билдирибди.

Жо Байденнинг сўзларига кўра, президент Владимир Путинни “нима қилиб бўлса ҳам ўз қонли йўлини давом эттиришга қарор қилгани”, Жо Байден Владимир Путинни ҳеч қачон Украинада ғалаба қозона олмаслигига ваъда берганини эслатибди.

“Украина ҳеч қачон Владимир Путин томонидан забт этилмайди. У бир шаҳарни эгаллаши мумкин, аммо у бутун мамлакатни эгаллай олмайди”, дебди Америка раҳбари.

У АҚШ Конгрессини Украинани қўллаб-қувватлаш учун 12 млрд долларлик ёрдам пакетини қабул қилишга чақирибди.

Энергия ресурслари нархи ошиши хавфи мавжуд эканига қарамай, бу қарорни Американинг икки етакчи партияси ҳам қўллаб-қувватлагани ҳам хабарларда айтилган.

Шундай қарор қабул қилингани ва тез орада расман эълон қилиниши ҳақидаги хабарлар ортидан нефть нархи оша бошлади. Brent маркасидаги нефть нархи 5 фоиздан кўпроққа ошиб, бир баррели 130 долларга етди.

Қайд этиш керакки, Россия нефти ва газига кўпроқ боғланиб қолган Европа мамлакатлари билан солиштирганда, АҚШнинг бу ҳаракати шошилинч амалга оширилгани ҳам буюк қадамдир.
« Олдинги хабар Хабарлар рўйхати Кейинги хабар »