28 May 2021
14:13 - Шу хабарга ишонасизми? Вазир Жамшид Қўчқоров пандемия шароитида Ўзбекистон иқтисодий ўсишининг асосий сабабларидан бирини айтганмиш! “Ҳаракат” Агентлиги нима дейди?
Коронавирус пандемияси бошланишидан олдин Ўзбекистонда олиб борилган ислоҳотлар мамлакатга ижобий иқтисодий ўсишни таъминлашга имкон берганмиш, бу ҳақда Иқтисодий Тараққиёт ва Камбағалликни Қисқартириш Вазири Жамшид Қўчқоров кеча Тошкентда ўтказилган хусусийлаштириш бўйича халқаро конференцияда айтганмиш.

Авваламбор шуни айтиш керакки, дейди “Ҳаракат” мухбири, бундай бўлиши мутлақо мумкин эмас. Чунки, Ўзбекистонимизда бунақа ЗЎР ислоҳотлар ўтказилаётгани йўқ. Ҳамма ислоҳотлар КОСМЕТИКдир!
Аммо, вазир Жамшид Қўчқоров кеча Тошкентда бўлиб ўтган халқаро конференцияда айнан шу ЁЛҒОН гапларни айтганмиш. Бу ҳақда сал кам ҳамма маҳаллий оммавий ахборот воситалари хабар бердилар.

Хабарларда айтилишича, 2020 йил якуни бўйича Ўзбекистон иқтисодиёти 2019 йилга нисбатан 1,6 фоизга ўсганмиш, пандемиянинг салбий таъсирига қарамай, 2020 йилда давлат бюджети даромадлари 128,7 триллион сўм прогнозга нисбатан 132,9 триллион сўмни ташкил этганмиш, даромадлар 2019 йилга нисбатан 20,8 трлн сўмга кўпайганмиш.

Вазир Жамшид Қўчқоров ҳамма камчиликларга қарамасдан, иқтисодий сиёсат кун тартибига бир қатор жиддий ўзгаришлар киритганини таъкидлаганмиш, натижада, 2020 йилда ҳам катта ўзгаришлар бўлганмиш.

Эслатиш керакки, бу вазирлик “Ҳаракат” Агентлиги, аслида, “Бирлик” Халқ Ҳаракати Партиясининг сал кам 20 йиллик таклифларидан кейин тузилган эди. Бундай таклифлардан бири 15 йилча аввал диктатор Ислом Каримовга ёзилган хатимизда ҳам айтилган эди. Мана кеча шу вазирликнинг қилган ишлари ҳақидаги МАҚТАНЧОҚЛИК руҳидаги ҳисобот ҳам берилибди. Энг муҳими, бу ҳисобот кеча Тошкентда ўтказилган ХАЛҚАРО конференцияда тилга олинибди.
« Олдинги хабар Хабарлар рўйхати Кейинги хабар »