01 April 2021
19:32 - Тошкентнинг Улуғбек шаҳарчасида физикага ихтисослашган таянч мактаби бугун иш бошлагани ҳақида
Таянч мактаблар билан илмий-тадқиқот институтлари ўртасидаги ўзаро ҳамкорликни ривожлантириш мақсадида 1 апрель куни Мирзо Улуғбек туманидаги Ядро-Физикаси Институти жойлашган Улуғбек шаҳарчасида физикага ихтисослашган таянч мактабининг расмий очилиш маросими бўлиб ўтибди.

Мазкур мактабга Фанлар Академиясининг Ядро Физикаси Илмий-тадқиқот Институти ҳамда Ўзбекистон Миллий Университетининг Физика Факультети бириктирилибди. Тадбирда университет вакиллари иштирок этиб, мактабда яратилган шароитлар билан танишишган. Келгусида улар ўқувчиларга физика фанидан амалий билим бериш учун ҳамкорлик қилиши режага киритилган. Физик олимлар томонидан мазкур маскан таянч мактабга айлантирилиш режалаштирилган.

Мазкур мактаб жорий йилда мукаммал таъмирланиб, ўқувчилар учун муносиб шароитлар яратилармиш, физика фанидан замонавий лаборатория жиҳозлари (STEAM лаборатория) билан таъминланармиш.

Бу мактабнинг очилиш маросимида Халқ Таълими Вазирлиги, Фанлар Академиясининг Ядро Физикаси Илмий-тадқиқот Институти, Ўзбекистон Миллий Университети, туман халқ таълими бўлими ҳамда оммавий ахборот воситалари вакиллари, шунингдек, мактаб педагогик жамоаси ва ўқувчилар иштирок этибдилар.

Тадбир аввалида барча қулайликларга эга бўлган мазкур мактаб, энг аввало, ўқувчиларнинг замонавий таълим олиши учун бунёд этилганига тўхталиб ўтилибди. Маълумки, Ўзбекистон Президентининг 2021 йил 19 мартдаги расмий қарори билан давлатимизда 28 та таянч ва 175 та физика фани чуқурлаштириб ўқитиладиган мактаб (синф)лар ташкил этилиши белгиланган бўлиб, бундай мактабларини ҳар бир вилоятида ташкил этиш кўзда тутилган экан.

Мактаб очилгани ҳақидаги баёнотга қуйидаги маълумот ҳам илова қилинган.

Мактаб Инвестиция Дастури асосида Халқ Таълими Вазирлиги ҳузуридаги “Инжиниринг компанияси” ДУК буюртмачилиги асосида янгича ёндашув ва дизайн билан мукаммал таъмирдан чиқарилган бўлиб, лойиҳа қуввати 1176 ўринга мўлжалланган 4 қаватли бинони ўз ичига олади.

Мактабда 45 та ўқув хонаси, 8 та хорижий тиллар, 2 та ахборот технологиялари хонаси, 1 та кимё, биология, физика лаборатория хоналари, 5 та муҳим ташаббус доирасида тўгарак хоналари, 219 ўринли фаоллар зали, 1 та спорт зали, 3 та очиқ спорт майдони, 2 та технология хонаси, мусиқа хонаси, замонавий кутубхона ва тиббиёт ҳамда болалар тиш шифокори хонаси, 128 ўринли ошхона, ҳатто ўқитувчилар учун алоҳида хоналар тайёрланиб, тўлиқ жиҳозланган.
« Олдинги хабар Хабарлар рўйхати Кейинги хабар »