12 September 2020
10:51 - Ўзбекистонда масхарабозлик давом этмоқда ва этаверади: Биласизми, янги таҳрирдаги Меҳнат Кодекси лойиҳасида қандай янгиликлар бор?
Меҳнат Кодекси меҳнатга оид муносабатларни тартибга солишга хизмат қиладиган асосий қонун ҳисобланади. Лекин, қабул қилинганига 25 йил тўлган мазкур кодекс бугунги кун талабига жавоб бермай қолди, деб ёзади Олий Мажлис Қонунчилик Палатасининг Меҳнат ва Ижтимоий Масалалар Қўмитаси раиси Мавлудахон Хўжаева парламентнинг саҳифасида.

Унинг сўзларига кўра, жорийдаги кодексда фуқароларни меҳнат фаолиятига жалб қилишнинг янги турли хил шаклларининг фаол ривожланиши каби бир қатор масалалар ҳисобга олинмаган.

“Амалдаги кодекс 294 моддадан иборат бўлиб, унда ишламайдиган ҳаволаки нормалар ҳам талайгина. Сўнгги йилларда меҳнат бозоридаги вазият ҳам ўзгарди, қабул қилинган соҳага оид қатор норматив-ҳуқуқий ҳужжатлар асосида кўпгина янги институтларни, янги механизмларнинг амалиётга киритилганлиги кодексни янги таҳрирда қабул қилиш заруратини туғдирди”, - деб ёзибди хоним Мавлудахон Хўжаева.

Шуларни ҳисобга олиб, Кодекснинг янги лойиҳасиси ишлаб чиқарилганмиш, мана энди, ҳамма нарса “Во!” бўлармиш. Чунки, Мeҳнaт Кoдeксининг қoидaлaрини xaлқaрo ҳуқуқ меъёрлaригa, шу жумлaдaн, Ўзбeкистoн тoмoнидaн рaтификaция қилингaн xaлқaрo шaртнoмaлaргa, фуқaрoлик, oилaвий вa бoшқa бир қaтoр ҳуқуқ сoҳaлaри тўғрисидaги қoнун ҳужжaтлaригa мувoфиқлaштирилганмиш. Ҳозир фақат уни парламентда қабул қилиш масаласи кун тартибида турганмиш.

Мана ҳамма иллат қаерда, дейди “Ҳаракат” мухбири. Ҳамма айб парламентимиз Мавлудахон Хўжаева каби чаласавод депутатлар билан тўлалигида. Парламентни шакллантириш - бош айбдор Президент Шавкат Мирзиёнинг қўлида эканлигидадир.

Демак, аввалмбор Ўзбекистонда ФУНДАМЕНТАЛ ислоҳотларни амалга ошириб, мамлактимизнинг Олий Мажлиси ва бошқа органларини демократиялаштириш керак. Акс ҳолда, яъни демократия йўқ экан, ҳеч қандай ривожланиш БЎЛМАЙДИ ва БЎЛОЛМАЙДИ!
« Олдинги хабар Хабарлар рўйхати Кейинги хабар »