01 May 2020
17:36 - Жуда қизиқ: Шавкат Мирзиё бизнинг танқиддан кейин Сирдарёга етиб борибди, Абдулла Арипов билан кўришмабди
“Ҳаракат” Агентлиги пешин соатларида Ўзбекистон Президенти Шавкат Мирзиё Тошкентда бир тийинга қиммат йиғилишлар ўтказиш билан шуғулланаётгани, жиддийроқ муаммо бор жойга ҳеч қачон бормаслиги ҳақида хабар тарқатган эдик. Қаранг, бир неча соат ўтар-ўтмас, у Сирдарё вилояти Сардоба туманига етиб борибди.

ЎзАнинг ўта қисқа хабаридан у киши ростдан ҳам Сардоба туманига борган ёки бормаганлигини ҳам билиб бўлмайди. У қандайдир ниқоб таққан ўзбеклар билан учрашмоқда. Аммо, у нима дегани, қандай жавоб олингани умуман тилга олинмайди.

У маҳаллий фуқароларга умумий гаплардан иборат лекция ўқиганга ўхшайди. Бир кун аввал у Бухорага ҳам бориб шундай қилган, гўёки табиий офатлар қаршисида расмга ҳам тушмаган эди.

Хуллас, ҳамма нарса эскиси каби. Фақат битта янгилик борга ўхшайди, у тушган расмларнинг бирида вертолёт кўринмоқда. Демак, у вертолётда борганми? Ростдан ҳам, жуда қизиқ. У ўша ердаги Бош Вазир Абдулла Арипов билан кўришмагани ҳамма нарсадан қизиқ.
« Олдинги хабар Хабарлар рўйхати Кейинги хабар »