09 January 2020
20:40 - Масхарабозлик: Ўзбекистоннинг қўғирчоқ ҳукумати Шавкат Мирзиёнинг талаби билан тадбиркорликни ривожланганлик даражасига баҳо бериш тизимини тайёрлармиш
Бугун тарқатилган хабарларда айтилишича, Абдулла Арип (расмда) раҳбарлигидаги ҳукумат, яъни Вазирлар Маҳкамаси “Республика ҳудудларида тадбиркорликнинг ривожланганлик даражасига баҳо бериш тизимини жорий этиш чора-тадбирлари тўғрисида” қарор қабул қилибди. Чунки, Иқтисодиёт ва Саноат Вазирлиги ҳамда Адлия Вазирлигининг 2020 йил 1 мартдан бошлаб республика ҳудудларида тадбиркорликнинг ривожланганлик даражасига баҳо бериш тизимини жорий этиш тўғрисидаги таклифи маъқулланган эмиш.

Хабарлардан кўриниб турибдики, Вазирлар Маҳкамаси масхарабозлик руҳидаги майда-чуйда тадбирлар уюштириб, шулар асосида Ўзбекистонда “тадбиркорликни ривожланганлик даражасига” баҳо берармиш.

Ҳурматли ўқувчилар, бу қўғирчоқ Вазирлар Маҳкамаси ва унинг таркибидаги қўғирчоқ Иқтисодиёт ва Саноат Вазирлиги ҳамда Адлия Вазирлигига тушинтириш керакки, Ўзбекистонда узоқ йиллардан бери “Бирлик” Халқ Ҳаракати айтиб келаётган ФУНДАМЕНТАЛ ислоҳотлар ўтказилмас экан, бизда ҳеч нарса ўзгармайди. Тўғри, қўғирчоқ Вазирлар Маҳкамаси ва унинг таркибидаги қўғирчоқ вазирликлар бундай нарсаларни Шавкат Мирзиёнинг кўрсатмасисиз ҳам биладилар. Аммо, диктатура – диктатурадир. Ҳамма қўғирчоқбошининг кўрсатма шаклидаги талаби билан қўғирчоқбошининг ҳамма буйруқларини бажаришга маҳкум.

Шундай экан, халқ майдонларга чиқиб, Шавкат Мирзиёдан Ўзбекистонда ФУНДАМЕНТАЛ сиёсий ва иқтисодий ислоҳотлар ўтказишни талаб қилиши керак.

ФУНДАМЕНТАЛ сиёсий ислоҳотларнинг марказида мамлакатни демократиялаштириш, яъни, қўғирчоқ Олий Мажлис, қўғирчоқ сиёсий партиялар, қўғирчоқ ҳукумат, қўғирчоқ оммавий ахборот воситаларидан қутилиш каби ўзгаришлар ётиши ШАРТ.

ФУНДАМЕНТАЛ иқтисодий ислоҳотларнинг марказида эса, ТЎЛА БОЗОР ИҚТИСОДИЁТИГА ўтиш ва КАТТА бойлар яратиш йўлига Шавкат Мирзиёнинг раҳбарлигидаги мавжуд режим қўйган тўсиқларни улоқтириш ғояси ётиши ШАРТ.
« Олдинги хабар Хабарлар рўйхати Кейинги хабар »