19 December 2019
20:49 - Туркиянинг собиқ Бош Вазири Аҳмет Довудўғли “Келажак Партияси” номли партия қурди ва раис этиб сайланди, кейин Ражаб Эрдўғанга ташланди
Бу давлатнинг собиқ Бош Вазири, жорийдаги Президент Ражаб Эрдўғаннинг энг яқин сафдошларидан бири Аҳмет Довудўғли (Ahmet Davutoğlu) ўзи аъзо бўлган Адолат ва Тараққиёт Партиясидан ҳамда Бош Вазирлик лавозимидан бир неча йил аввал қувилган эди. У бугун янги партия қурди – Келажак Партияси.

Партиянинг таъсис қурултойидан кейин журналистлар билан суҳбат қилган Аҳмет Довудўғли биринчи марта баъзи сирларни очиқлабди. Унинг фикрича, Ражаб Эрдўғаннинг буйруғи билан Бош Вазирликдан ҳамда Адолат ва Тараққиёт Партиясидан қувилган. Мана энди у ўз партиясида ўзини кўрсатмоқчи.

Бу ҳақда хабар тарқатган Туркиянинг оммавий ахборот воситаларида “Келажак Партияси” тўғрисида ҳеч нарса дейилмаган. Жуда қизиқ. Бундай партиянинг келажаги бўладими? Кўрамиз, буёғи нима бўлади.
« Олдинги хабар Хабарлар рўйхати Кейинги хабар »