2019 йил 31 март куни ўтказилган сайловларда Истанбул ҳокими этиб сайланган отатуркичи, Отатурк яратган Жумҳурият Халқ Партиясининг номзоди Акром Имомўғли ҳокимлик гувоҳномасини олиши билан ўз кабинетига Отатуркнинг портретини осган эди. Аммо, жорийдаги Президент Ражаб Эрдўған раҳбарлигидаги исломчилар Туркияда ҳокимият қўлларида эканлигидан фойдаланиб, Истанбулдаги 31 март сайловининг натижаларини бекор қилдириб, 23 июнга қайта сайлов тайинлаган ва ҳокимликни ҳукумат тарафидан тайинланадиган Истанбул волисига вақтинча топширган эдилар. Ўшанда Истанбул волиси Отатуркнинг портретини олдириб ташлаган эди.

Истанбулда 23 июндаги сайловларда қайтадан ғолиб чиққан Акром Имомўғлига ҳокимлик гувоҳномаси берилиши билан, у ўз кабинетига ҳозирги Туркия давлатининг асосчиси буюк Отатуркнинг портретини қайтадан осди.

Расмда – портретнинг ўнг тарафида - Акром Имомўғлини кўрмоқдасиз. Ҳеч шубҳасиз, Акром Имомўғли ва Жумуҳурият Халқ Партияси исломчиларни сиёсатда узоқлаштириш йўналишида ҳали кўп ишлар қиладилар.