Ўзбекистонда ҳукмронлик қилаётган тожиклар режиминингн бош қўғирчоқ ахборот воситаси ЎзА ҳеч қандай таҳлилсиз хабар қилишича, АҚШнинг “JOHN DEERE” компанияси вакиллари “Ўзагротехсаноатхолдинг” акциядорлик жамиятига ташриф буюриб, қишлоқ хўжалиги машинасозлиги соҳасида ҳамкорликда амалга оширилган ишлар ва яқин истиқболдаги вазифалар хусусида фикр билдиришибди, ўзаро ҳамкорликни янада ривожлантириш масалаларини атрофлича муҳокама қилишибди.

Хабарда айтилишича, “Ўзагротехсаноатхолдинг” акциядорлик жамиятининг “Агротехмаш-ДД” корхонаси “JOHN DEERE” брэнди остида турли русумдаги тракторлар, пахта териш машиналари ишлаб чиқармоқда. 2018 йилда корхонада 300 дона трактор ва пахта териш машиналари ишлаб чиқарилган.

“Ўзагротехсаноатхолдинг”нинг бошқаруви раиси Мухтор Каримов “JOHN DEERE” билан биргаликда умумий қиймати 32,4 миллион долларлик 500 дона трактор ишлаб чиқариш учун ишлар олиб борилаётганини урғулабди.

Ҳар қандай ақли бор одам тушунадики, АҚШнинг “JOHN DEERE” компанияси Ўзбекистон давлатнинг “Ўзагротехсаноатхолдинг” ширкати билан ишламоқда, яъни тўғридан-тўғри СССРдан қолган социалистик иқтисодиётни мустаҳкамлашга ёрдам бермоқда. Соцалистик иқтисодиёт СССР ва бошқа социалистик мамлакатларни ўлимга олиб борди, Ўзбекистонни ҳам ўлдиради. “JOHN DEERE” компанияси бундай ифлос ишдан воз кечиши керак.

“Ҳаракат” мухбирлари “JOHN DEERE” - тўла номи “Deere & Company” бўлган корпорациянинг бренди эканлигини аниқладилар. Бу корпорациянинг капитали 60-65 миллиарда доллар атрофида бўлиб, унинг корхоналарида 60 мингдан кўроқ одам ишлайди, корпорациянинг йиллик тоза даромади 2 миллиард доллардан кўпроқ. Бундай корпорациянинг Ўзбекистондек диктаторлик давлатининг хусусий бўлмаган ширкати билан ҳамкорлиги шармандаликдир.