Марказий Банк сўнги йиллардаги анъанасини давом эттириб, 2019 йил 19 мартдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8378,04 сўм (8374,10 сўм)

1 ЕВРО – 9488,13 (9410,81)

1 Россия рубли – 129,09 (126,18)

1 Хитой юани – 1248,05 (1246,13)

1 Қозоқ тенгеси – 22,09 (22,12)

Кўриб турибмизки, тенгедан ташқари ҳамма валюталарнинг курси юксалган. Долларнинг курси 3,94 сўмга ортган, қозоқ тенгесининг курси 0,03 сўмга тушган. Нима бўлганда ҳам, биз учун муҳим бўлгани, дунёни бошқараётган долларнинг курси ортганидир.

Бу ҳафтада сўмнинг доллар ва бошқа валюталарга нисбатан курси пасайиши орқасида қандай сабаб бор? Маълумки, сўмнинг курси пасайиши Ўзбекистон иқтисодиётида тушиш бўлаётганидан далолат бериши керак. Демак, ҳеч шубҳасиз, Шавкат Мирзиё катта пул ишлатса ҳам сўмнинг курсини давомли орттиролмаяпти, чунки, иқтисодиётимиз дабадала аҳволда. Эслатиш керак, ўтган йилнинг 1-чи ярмида сўмнинг курси кескин кўтарилган, аммо, йилнинг 2-чи ярмида ўпирилиб тушган эди. Бу йил ҳам шунақа тенденция давом этиши шубҳасиздир.

Эртага, яъни 19 март куни Миллий Уйғониш Кунининг 30 йиллигини нишонлаш учун Мустақиллик Майдонига чиқиш ва Шавкат Мирзиёдан сўмнинг қийматини мустаҳкамлаш, бунинг учун Ўзбекистонда фундаментал сиёсий ва иқтисодий ислоҳотлар бошлашни талаб қилиш керак.