07 March 2019
01:49 - Ражаб Эрдўған русларнинг С-400 зенит-ракета комплексларини сотиб олиш қарори қатъийлигини эълон қилди
Туркия Президенти Ражаб Эрдўған кеча 24 TV телеканалида Россиядан С-400 комплексларини сотиб олиш масаласида узил-кесил қарор берганларини эълон қилди. Туркия ва Россия оммавий ахборот воситалари Эрдўғоннинг қуйидаги сўзларини тарқатмоқдалар: “Ҳужжатлар имзоланган, орқага чекиниш тўғрисида гап ҳам бўлиши мумкин эмас. Чекиниш – ахлоқсизлик бўларди. Умид қиламанки, июль ойидаёқ С-400 комплекслари бизга келишга бошлайди. Энди С-500 комплекслари устида ўйлашга бошлаймиз”.

Россия ва Туркия 2017 йилда 4 та С-400 комплекси хусусида 2,5 млрд долларлик шартнома имзолаган эдилар ва унга кўра, С-400 ларнинг биринчи партияси Туркияга 2020 йилда келиши керак эди. Аммо, икки тараф бу ишни 2019 йилдаёқ бошлашга келишибдилар.

АҚШ Туркиянинг бу қадамига тиш-тирноғи билан қарши бўлган ва Туркияга русларникидан қолишмайдиган ўз ракета системаларни сотишга тайёр эканлигини билдириш билан бир қаторда, акс ҳолда, Туркияга қарши санкциялар киритамиз деб огоҳлантиришларини ҳам эълон қилган эди.

Кўрамиз, нима бўлади. Туркия НАТО аъзоси ҳам эканлигини ҳисобга олсак, Туркия ва Ғарб орасида жиддий айрилиш бўлиши мумкин.
« Олдинги хабар Хабарлар рўйхати Кейинги хабар »