17 January 2019
02:23 - Буюкбритания парламенти Тереза Мэй ҳукуматига ишонч билдирди
Кеча эрталабки хабаримизда Буюкбританиянинг Европа Иттифоқидан чиқиши бўйича 2018 йил 25 ноябрда тасдиқланган ЕИ-Буюкбритания келишуви ўтган куни кечқурун Буюкбритания парламентида кўриб чиқилгани ва 202 депутат бу келишувни тасдиқлаш учун овоз берган бўлса, 432 депутат бунга қарши чиққанини билдирган эдик. Энди ЕИ ва Буюкбритания ҳукумати янги келишув тайёрлашлари керак. ЕИ расмийлари келишувни 2020 йилгача шошмасдан тайёрлаш кераклигини гапиришга бошладилар.

Аммо, кеча Буюкбританиядаги мухолифатчилар Бош вазир Тереза Мэй ҳукуматига ишончсизлик билдириш масаласини кун тартибига чиқардилар ва ишончсизлик вотуми овозга қўйилди. 325 депутат мавжуд ҳукуматга ишонч билдирди, 306 делегат бунга қарши чиқди. Шундай қилиб Тереза Мэйнинг ҳукумати ҳокимиятда қолди. Тереза Мэй ЕИдан чиқиш бўйича янги келишув устида дарҳол иш бошлашини билдирди.

Расмда – хурсандлигини яширолмаётган Тереза Мэй.
« Олдинги хабар Хабарлар рўйхати Кейинги хабар »