11 October 2018
12:19 - Франция Президенти тупирган бечора Шавкат Мирзиё Ўзбекистоннинг макроиқтисодий кўрсаткичларини ўйлаётган эмиш. “Ҳаракат”: Макроиқтисодий кўрсаткичларимиз ўлмоқда-ку!
8-9 октябрь куунлари гўёки Франция Президенти Эмануэл Макроннинг таклифи билан Парижда бўлган Шавкат Мирзиёни шаҳар марказида тантанали кутиб олиш маросимига Эмануэл Макрон келмаган ва феълан Шавкат Мирзиёга тупирган эди. Табиий, бу - Ўзбекистон Президентини юксак даражада ҳақоратлашдан бошқа нарса эмасди.

Кеча Тошкентга қайтиб келгандан кейин бироз ўзига келиб олган Шавкат Мирзиё Вазирлар Маҳкамаси ва иқтисодий идоралар раҳбарлари иштирокида мамлакатни жорий йил 9 ойида ижтимоий-иқтисодий ривожлантириш ҳолати ва йил якунлари бўйича кутилаётган натижалар муҳокамасига бағишланган йиғилиш ўтказибди. Ўзбекистонда ҳукмронлик қилаётган тожиклар режимининг бош қўғирчоқ ахборт воситаси ЎзА ҳеч қандай таҳлилсиз бу ҳақда берган хабарга қўйилган расмга кўра, йиғилишда Шавкат Мирзиёдан бошқа кимлиги ҳам айтилмаган 4 киши иштирок этган. Уммий ва баландпарвоз гаплардан иборат бўлган қисқа хабарда пичоққа илинадиган бирон нарса йўқ.

Шу сабабли, ЎзА бермаган таҳлилни биз қиламиз ва бу йилнинг якунлари бўйича кутилаётган натижаларнинг асосийсига баҳо берамиз.

Маълумки, ўтган йилнинг охирги кунлари Олий Мажлис 2018 йил учун Ўзбекистон иқтисодиётининг асосий кўрсатгичини, яъни Ялпи Ички Маҳсулот (ЯИМ) ҳажмини 290,6 трлн сўм қилиб тасдиқлаган эди. Ўша пайтда 1 АҚШ доллари 8101,62 сўмга тенг эди, шу кунларда эса, 1 АҚШ доллари 8181,08 сўм бўлди. Демак, Ўзбекистоннинг 2018 йилги Ялпи Ички Маҳсулоти $35 млрд 869 млн атрофида бўлади. Киши бошига Ялпи Ички Маҳсулот эса, тахминан 1 минг 121 доллар бўлади. Ваҳолангки, Жаҳон Банки эълон қилган маълумотларга кўра, 2017 йили бизда Киши бошига Ялпи Ички Маҳсулот 1 минг 504 долларга тенг эди.

Куласизми, йиғлайсизми, Шавкат Мирзиё Ўзбекистонни фаровон ўлкага айлантириш ҳақида лофлар отмоқда, аммо ҳар қандай мамлакат иқтисодиётининг асосий кўрсатгича бўлган Киши бошига Ялпи Ички Маҳсулот бизда 1 минг 504 доллардан 1 минг 121 долларга, яъни тахминан 20 фоизга тушмоқда.Демак, аҳолининг ўртача ойлиги ҳам тушади. Аҳволимиз янада ёмонлашмоқда. Шавкат Мирзиё шуни фаровонлик ошиши деб ҳисоблайдими?

Аҳволимиз дабадала эканлигини ва янада ёмонлашаётганини бутун дунё билади, Франция Президентининг Шавкат Мирзиёга очиқча ҳурматсизлик кўрсатиши ҳам шу туфайли бўлган.

Эй, ўзбеклар! Кўзингизни очинг, бунақа президент, бундай тожиклар режими, бу режимнинг қўғирчоқ ва аҳмоқ хабарчи/журналистлари билан келажагимиз йўқ. Майдонларга чиқиб, Шавкат Мирзиёдан ва унинг тожиклар режимидан ватанимизда фундаментал сиёсий ва иқтисодий ислоҳотлар ўтказишни, аҳмоқ хабарчи/журналистлардан бўлаётган воқеаларни объектив ёритишни талаб қиладиган вақт келиб бўлди.

Фундаментал сиёсий ислоҳотларнинг марказида, “Бирлик” Партияси ва унинг жарчиси бўлган “Ҳаракат” Агентлиги йиллардан бери тўхтамасдан такрорлаётгандек, давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади.

Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё жинояткорона қўйган тўсиқларни олиб ташлаш ғояси борлигини урғулаш ҳам муҳимдир.

Бундай фундаментал ислоҳотларни амалга ошириш учун тажрибали давлат арбоби, аввалги Бош вазир ўринбосари Рустам Азимни жойига қайтариш керак.
« Олдинги хабар Хабарлар рўйхати Кейинги хабар »