Тошкент вақти - 
06 April 2018
21:17 -
Жанубий Кореянинг собиқ президенти Пак Кин Хе хоним 24 йиллик қамоқ жазоси олди. Ўзбекларга нима?
2013-2017 йиллари президентлик қилган Пак Кин Хе хоним ҳали президентлик давридаёқ унга қарши давлат сирларини очиш, тамагарлик, порхўрлик, ўз лавозимини суиистеъмол қилиш айблари кўйила бошлади. Аниқроғи, 2016 йилнинг октябрь ойида у ўзининг яқин дугонаси Чхве Сун Силь таъсири остида қолгани ва айтиб ўтилган жиноятларга қўл ургани ҳақидаги гаплар пайдо бўлди. 2017 йил 10 мартда мамлакатнинг Конституцион Суди унга импичмент эълон қилди, шу билан у президенлик ваколатларини йўқотди.
Шундан кейин бошланган суд жараёнлари бугун битди. Суд аввалроқ, аниқроғи, шу йил февраль ойида Чхве Сун Силни 20 йилга қамаш ва $16,6 млн жарима тўлашга маҳкум қилган эди. Мана бугун 66 ёшли Пак Кин Хе хонимнинг ўзи 24 йилга қамалди.
Хабар сарлавҳасига «Ўзбекларга нима?» саволини бекор қўйганимиз йўқ. Жанубий Корея, расмий номи – Корея Республикаси, Япония билан биргаликда Осиёнинг энг демократик мамлакатларидан биридир. Аммо, ғарбнинг демократик давлатларидан фарқли равишда, бу икки давлат ўзлари ҳамкорлик қилаётган мамлакатлардан демократик принципаларга итоат қилишни, демократияни ривожлантиришни талаб қилишни қўйиб туринг, бундай масалаларни ҳеч қачон кун таритиига ҳам олиб чиқмайдилар.
Ваҳолангки, ҳозир Ўзўбекистон бу икки мамлакт билан иқтисодий алоқаларни жуда ривожлантирмолқда, Ўзбекистонда турли расмий мансабларга Жанубий Корея фуқароларини тайинлаш модага айланмоқда. Аммо, Жанубий Корея президенти қилган ишлар кўрсатмоқдаки, шундай демократик ўлкада ҳам порахўрлик, коррупция каби каксалликлар илдиз отишига муҳит бор. Ўзбекистон порахўрлик ва коррупция масалаларида дунёда биринчи ўринда турадиган мамлакатларидан эканлигини ҳисобга олсак, икки мамлакат ўртасидаги яқинлашишнинг сабабларидан бири, балки, асосийси, порхўрлик коррупция эмасмикан?
Шунақага ўхшамоқда. Ўзбек демократлари Япония ва Жанубий Корея билан муносабатларни шу маънода ҳам жиддий кузатиб боришлари керакка ўхшамоқда.
