08 February 2018
22:38 - Мусулмонлар Идораси ўзбекларга сунъий уруғлантиришга фатво берибди, қачон дунёвийлик принципини қабул қилади?
Сўнгги бир неча соатлар давомида ижтимоий тармоқларда энг кўп муҳокама бўлаётган, аммо бир тийинга қиммат бўлган мавзулардан бири Ўзбекистон Мусулмонлари Идорасининг сунъий урулантиришга фатво бергани бўлди. Инсоният бир неча ўн йиллардан бери қўллаб келаётган мазкур масалани Ўзбекистон Мусулмонлари идораси энди ечибди. Бу Идоранинг Фатво бўлими мудири Ҳомиджон қори Ишматбек ўтган йилнинг 16-17 декабрь кунлари Туркиянинг Истанбул шаҳрида бўлиб ўтган Евроосиё Ислом Кенгаши фатво ассамблеясининг иккинчи йиғилишида иштирок этиб, масалани ўрганиб қайтган экан. Янги фатвога кўра, сунъий уруғлантиришни амалга ошираётган жуфтликлар ўзаро никоҳланган бўлиши, аёл бачадонига фақат ўз эрининг уруғи тўкилиши лозим.

Эслатиб ўтамиз, Ўзбекистонда бор бўлган “Фуқароларнинг Соғлиғини Сақлаш Тўғрисида”ги қонуни ва бошқа қонуности меъёрий ҳужжатларида сунъий урғулантириш тартибга солинтб бўлинган. Шундай экан, масала бўйича фатво беришнинг нима кераги бор? Конституциявий жиҳатдан дунёвий давлатда яшаётган бўлсак, дейсан-у, президент Шавкат Мирзиёнинг кишибилмас тарзда султонликка иддао қилаётган Ражаб Эрдўған сингари мамлакатни исломлаштириш йўналишида қадам олаётганидан қўрқиб кетасан киши, дейди мухбиримиз.

Аслида, Ўзбекистон Мусулмонлар Идораси 2017 йил 19-11 октябрь кунлари Остонада бўлиб ўтган Ислом Ҳамкорлик Ташкилотининг саммитида қабул қилинган Декларациянинг 7-чи моддасида “Ислом жамияти қашшоқ ва қолоқлиги, ақл-идроктй қашшоқлик ҳам шунинг ичида” эканлиги тан олинганига асосланиб иш олиб бориши керак. Қолаверса, “Ҳаракат” ҳам бу ҳақда 10 йилчадан бери тўхтовсиз гапириб келаётганини ҳам ҳисобга олишдан бошқа йўл йўқ. Қисқа қилиб айтсак, Ўзбекистон Мусулмонлар Идораси Ислом динида фундаментал ислоҳотлар ўтказиш масаласини кун тартибига олиб чиқиши, ва биринчи навбатда, Ислом дини дунёвийлик/секуляризм принципини тан олишига эришиши керак. Акс ҳолда, Ислом динининг келажаги бўлмайди.
« Олдинги хабар Хабарлар рўйхати Кейинги хабар »