05 February 2018
19:50 - Шавкат Мирзиё бепул Wi-Fi ҳудуди яратганларга имтиёзлар бермоқчимиш, ҳожатхоналарда қоғоз ҳам текин бўладими?
Президент Шавкат Мирзиё жамоат жойларида бепул Wi-Fi ҳудудини шакллантираётган муассасаларга қатор имтиёзлар эълон қилди. Қарорга биноан бепул Wi-Fi ҳудудини яратмоқчи бўлган операторлар, провайдерлар ва бошқа хўжалик субъектларининг солиқни шакллантирувчи базасидан, жумладан, ягона солиқ тўловларидан Wi-Fi ҳудудини шакллантириш учун сотиб олинган ускуна ва жиҳозларга сарфланган маблағ чегириб ташланади.

Бундан ташқари уларга ўзлари яратган бепул Wi-Fi ҳудудида 18 квадрат метрдан катта бўлмаган реклама баннерларини ҳақ тўламасдан ва маҳаллий ҳокимият идораларидан рухсат олмасдан туриб жойлаштириш ҳуқуқи берилди.

Бир қарашда, бу яхши хабарга ўхшайди. Айниқса, Ўзбекистогнимизда аҳолининг ўртача ойлиги Қозоғистондан 8-10 баравар камлиги, ўзбек профессорлари ва сенаторлари қозоқ дворникалридан кам маош олишини ҳисобга олсак. Шундай экан, Шавкат Мирзиё “Бирлик” Партиясининг таклифларига қулоқ солиб, Ўзбекистонда фундаментал сиёсий ва иқтисодий ислоҳотлар ўтказишни, аҳолининг ўртача ойлигини кескин юксалтиришни, юрт ташқарисида қуллардек мардикорчилик қилаётган сони миллион атрофида бўлган ватандошларимизни юртга қайтаришни ўйлашми керак.

Ана ўшанда, Wi-Fi ва ҳожатхона қоғозларига тул топиш ўзбеклар учун муаммо бўлмай қолади.
« Олдинги хабар Хабарлар рўйхати Кейинги хабар »