Бугун Тошкентдаги АҚШ элчихонасида АҚШ Давлат Котиби ёрдамчисининг биринчи ўринбосари, Давлат Департаментининг Жанубий ва Марказий Осиё бўлими раҳбари Элис Уэллс хоним ҳамда Давлат Демартаментининг Ўзбекистон бўлими раҳбари Тэд Хо Тошкентда фуқаролик жамият вакиллари, тўғрироғи, Ўзбекистон Инсон Ҳуқуқлари “Эзгулик” Жамияти фаоллари билан учрашди. Мамлакатга президент Шавкат Мирзиё томонидан эълон қилинган ислоҳотларнинг амалга оширилиши жараёнидаги прогрессни кузатиш учун келган мулозим ҳуқуқ фаоллари орқали ҳали фундаментал ислоҳотлар, сиёсий афзалликларга қўл урилмаганини эшитди.

Хусусан, Васила Иноятга кўра, Шавкат Мирзиё томонидан бошланган ислоҳотлар четдан қанчалик жозибали кўринмасин, у мамлакатда токи сиёсий ҳуқуқлар таъминланиб, демократик мухолифатга йўл берилмагунча кам аҳамиятга эгадир. Ҳуқуқ ҳимоячилари америкалик дипломатни Ўзбекистон ҳукумати билан музокараларда айнан ана шу йўналишдан боришга чақирди.

Маълумот учун айтиш лозимки, Элис Уэллс Ўзбекистон Ташқи ишлар вазири Абдулазиз Комил, Ўзбекистон Олий Мажлиси Сенати раисининг биринчи ўринбосари Содиқ Сафо ва Ўзбекистон Президентининг Афғонистон бўйича махсус вакили Исматилла Эргаш билан ҳам учрашган. Унинг президент Шавкат Мирзиё билан учрашуви ҳақида гап йўқ.

Минг афсуски, Элис Уэллс хонимнинг “Эзгулик” фаоллари билан учрашувида расм олинмабди.