![](/photo/RE-VP-2017.jpg_thumbnai_full.jpg)
Қашшоқлик ва қолоқликда Ўзбекистон билан айни даражада бўлган Судан ва Чад давлатларига шу кунларда сафар қилган Туркия Президенти Ражаб Эрдўғон бу ўлкаларда ўзига кўрсатилган ҳурматдан эси айланиб қолди, шекилли, Владимир Путинни “ҳамкорлик қилиб бўлмайдиган террорист” деб аташгача борибди. Бу ҳақда Reuters бугун хабар тарқатди.
Хабарда шундай дейилади. Башар Асад – ҳақиқий террористдир, давлат даражасида терроризм билан шуғулланган одамдир”.
Эй, ўқувчиларимиз, кечиринг Эрдўған Россия Президенти Владимир Путинни эмас, унинг ҳамкори - Сурия Президенти Асадни террорист деган экан. Аммо, Россия Суриянинг сўнги йиллардаги энг яқин ҳамкори бўлганини эътиборга олсак, Путин ҳам террорист бўлиб чиқади-ку. Аммо, шу йўналишда фикрлашга бошласак, сўнги икки йилда Россия, Сурия ва Эрон билан оғиз-бурун ўпишаётган Ражаб Эрдўғоннинг ўзи ҳам террорист бўлиб чиқмайдими? Йўқ, у террорист бўлиб чиқолмайди, сўнги йилларда у ўз мамлакатида шундоғам терроризмдан қолишмайдиган ишлар қилмоқда, юзлаб журналистларни, минглаб ўқитувчиларни гўёки давлат тўнтаришига урунишда иштирок этганликда айблаб ишларидан улоқтирмоқда, кўпларини қамоқхоналарга ташламоқда. Эй, ўзбеклар, кўз олдингизга келтироласизми, оддий ўқитувчилар давлат тўнтаришида иштрок этишлари мумкинлигини?
Масаланинг бошқа тарафи ҳам бор. Ражаб Эрдўғоннинг Эрон билан оғиз-бурун ўпишиши араб давлатларини ғазабга солмоқда. Туркиядаги энг катта “Миллиёт” газетаси бугун тарқатган хабарга кўра, Бирлашган Араб Амирликлари давлатининг Ташқи Ишлар Вазири Анвар Каргаш араб давлатларини Эрон ва Туркияга қарши бирлашишга чақрибди.
Эслатиб ўтиш керакки, араб давлатлари Эрон билан яқинлашиб бораётган Қатарга қарши санкциялар киритиб, унинг бошини балога қўйгандилар. Бу кетишда араб давлатлари Туркияга қарши ҳам санкциялар киритшлари мумкин. Шундай бўлса, Яқин Шарқда яккамохов бўлиб қоладиган Эрдўған Турк Дунёси билан алоқаларга кўпрпоқ эътибор беришга бошлайдими? Йўқ, у Россиянинг қучоғидан чиқолмайди. Бу икки давлатнинг парчаланиб кетиш эҳтимоллиги эса, ортиб бораверади.