Туркиянинг собиқ президенти Абдуллоҳ Гул ҳозирги Президент Ражаб Эрдўғоннинг энг ишончли ҳамкорларидан бири эди. Ҳозир ҳокимиятда бўлган исломчиларнинг Адолат ва Тараққиёт Партиясини ҳам улар биргаликда қурганлар. Аммо, Абдуллоҳ Гул битта нарсада Ражаб Эрдўғандан фарқли эди. Ражаб Эрдўған фанатик исломчи бўлса, Абдуллоҳ фанатик эмаслигидан ташқари, унда миллатчилик, тўғрироғи, туркчилик, турончилик хислатлари ҳам бор эди.

Бу партия қурилгандан кейин, 2002 йилдаги ўзи иштирок этган биринчи парламент сайловларидаёқ биринчи ўринни олди, аммо партия раиси Ражаб Эрдўған қисқа муддатга шартли озодликдан маҳрум бўлгани сабабли, сайловларда иштирок этолмади. Туркия қонунларига кўра, Бош вазир парламент аъзолари ичидан сайланади. Шу сабаби, Эрдўғаннинг ўнг қўли ҳисобланган Абдуллоҳ Гул Бош вазир этиб тайинланди. Қисқа вақтдан кейин Эрдўғанга парламент депутати бериш имкони берилди, бу партия аъзоларидан бири дарҳол депутатликдан истеъфо этди, унинг ўрнига сайланган Ражаб Эрдўған парламентга сайланди, Бош вазир бўлди. Абдуллоҳ Гул бир неча йил Ташқи Ишлар Вазири лавозимида ишлади ва 2007 йилда парламент тарафидан Туркиянинг 11-чи президенти этиб сайланди. У вақтда Туркия президенти 7 йилга сайланарди ва фақат бир муддат президент бўлиш ҳаққига эга эди.

2014 йили Ражаб Эрдўған президент бўлиб сайлангач, Абдуллоҳ Гул сиёсий саҳнада қолишни истамади. Унинг президентлик йилларидаги жуда эҳтиётлик билан айтилган баъзи гапларидан Эрдўғаннинг фанатиклиги, диктаторликка мойиллиги ўзига ёқмаслиги билиниб турарди. У ҳозир ҳам ўз позициясини жуда эҳтиётлик билан билдириб, аслида, ҳозиги ҳокимиятга феълан мухолифатда эканлигини кўрсатиб бормоқда.

Кеча Туркиядаги энг катта “Миллиёт” газетасининнг таҳлилчи мухбири Меҳмет Тезкан Абдуллоҳ Гулнинг исмини тилга олмаса ҳам, уни 11-чи президент деб атаб, униннг қуйидаги фикрини келтиради: “Иқтисодимиз 5-6 фоизга юксалаётганини Европадаги 2-3 лик юксалиш билан солиштириб мақтанишнинг маъноси йўқ. Чунки, Туркиянинг йиллик миллий даромади 800 млрд доллар, аммо Германияда 3,5 триллион доллар, Британияда 3 триллион доллар, Францияда 2,4 триллион доллар, Итальяда 1,8 триллион доллар ва ҳоказолар. Яъни, Германия ўзининг 3,5 триллионлик даромадини 2,5 фоизга оширгани билан бизнинг 800 миллиардимиз 5 фоизга ошганини солиштириб бўладими? Биз эса, уларни ҳақорат қилиш руҳида бу рақамалрни солиштирмоқдамиз.”

Жойи келгани учун эслатиш керакки, ҳаромий Ислом Карим ҳам ҳар йили бизда Ялпи Ички Маҳсулот ҳажми 8 фоиз атрофида ортишини, бундай ортиш бўйича дунёда биринчилардан эканлигимизни айтaрди. “Ҳаракат” эса, Ислом Каримнинг бу каби солиштиришлари - 1 сўм пули бор гадой яна 1 сўм топиб, бойлиги 100 фоизга ортгани билан мақnаниши билан бир турли эканлиги айтиб, унинг устидан кулар эди. Табиий, Ислом Каримнинг аосий мақсади – ўз халқини алдаш эди.

“Миллиёт” газетасининг мухбири ҳам, “Ҳаракат”дан ўрганиб бўлса керак, ўз президентининг исмини айтмасдан туриб, аслида унинг халқни алдаш учун айтаётган гаплари устидан жуда чиройли шаклда кулибди.

Кўрамизнинг келаётган йилнинг бошларида Шавкат Мирзиё ҳам иқтисодиётимизнинг 2017 йил натижалари бўйича шунақа кулгили солиштиришлар қиладими?