01 November 2017
22:15 - Сенсация: АҚШ Шавкат Мирзиёга Нью-Йоркдаги терактни текширишда ёрдамга тайёрлиги учун миннатдорчилик билдирди. «Ҳаракат»: Жиддийроқ ишлар қилиш керак
“Ҳаракат” Агентлиги Нью-Йоркда кеча ўзбекистонлик Сайфулло Саипов уюштирган ва 8 кишининг ўлими билан тугаган исломий терактни хабар қилишга ҳам арзимайдиган воқеа деб баҳолаган эди. Инсоннинг ҳар бир томчи қони билан боғлиқ воқеани бундай баҳолаб бўлмайди, аммо ислом терроризмининг илдизлари Ислом динининг Қуръонни хато тафсиридан келиб чиққан хато тушунчаларида эканлиги, шу сабабли, ислом терроризмини куч билан енгиб бўлмаслиги, уни тўхтатишнинг ягона йўли Ислом динида фундаментал ислоҳотлар ўтказиш, биринчи навбатда, Ислом дини дунёвийлик/секуляризм принципини тан олишига эришиш кераклиги ҳақидаги бизнинг фикримиз тан олинмас экан, ислом терроризми оддий воқеага айланиб қолишини йиллардан бери гапириб келмоқдамиз. Ҳаёт кўрсатмоқдаги, фикримиз мутлақо тўғри.

Шундай экан, Нью-Йоркдаги каби терактлар эмас, Ўзбекистон Президенти АҚШ президентига ҳамдардлик билдиргани ва мазкур террористик актни тергов қилишда кўмаклашиш учун барча куч ва воситаларни ишга солишга тайёрлигини айтгани, бунинг кетидан АҚШ Президенти эмас, АҚШнинг Ўзбекистондаги элчиси Мирзиёга миннатдорлик билдиргани сенсация эканлиги шубҳасиздир. Аммо, аслдида, ҳақиқий сенсация - Шавкат Мирзиёнинг хати ва АҚШ элчисининг миннатдорчилик жавоби эмас - булар Ўзбекистонда хабар қилинаётгани. Бу кетишда бизда ошкоралик шу даражада юксаладики, давлат раҳбарларининг ҳожатгахонага боришлари ҳам хабар қилинишга бошланади.

Ошкоралакни бундай масхарабозлик даражасига олиб чиқиш ўрнига, дейди мухбиримиз, Шавкат Мирзиё ҳам “Бирлик” Партияси ва унинг жарчиси бўлган “Ҳаракат”нинг таклифини қўллаб-қувватлаб, Ислом уламоларини дунёвийлик/секуляризм принципини қабул қилиш йўлида иш бошлашга мажбурлаш ва бу ишда уларга ёрдам бериш билан шуғулланса, ислом терроризмини тўхтатиш йўлида кўзга кўринган иш қилган бўларди..

Дарвоқе, Ўзбекистонла тарқатилаётган хабарларда айтилишича, мамлакатимизнинг хавфсизлик идоралари террорчининг ота-онаси, яқинларини сўроқ қилишни бошлаб юборишибди. Маълум бўлишича, 29 яшар бу ҳудкуш бола 2010 йилда грин-кард лотореясини ўхшаш бошқа бир лотореянинг ютиб, АҚШга кетган экан. Террорчининг ота-онаси диний экстремизмда айбланиб, энг кўп жавобгарликка тортилган фуқаролар истиқомат қилувчи пойтахтнинг “Шарқ гули” маҳалласида яшаши ҳам аниқланибди.

Шундай экан, Шавкат Мирзиё Доналд Трампга эмас, давлатимизнинг тегишли органлари АҚШнинг шунга ўхшаш органларига Нью-Йоркдаги теракт бўйича терговлар ўтказишда ҳамкорлик қилишга тайёр эканликларини билдирсалар етарли бўларди.
« Олдинги хабар Хабарлар рўйхати Кейинги хабар »