20 September 2017
19:29 - Нурсултон Назарбой ҳам “Ҳаракат”га қулоқ солмоқда: Қозоғистон электромобиллар чиқаришни бошлаш арафасида
10-11 сентябрь кунлари Остонада бўлиб ўтган Ислом Ҳамкорлик Ташкилотининг фан ва технологиялар бўйича саммити “Ҳаракат” Агентлиги йиллардан бери айтиб келаётган “Ислом дунёси жаҳоннинг эрнг қашшоқ ва қолоқ қисмидир” фикрини тан олиб, ўз Декларациясида "Ислом жамияти ҳаддан ташқари қашшоқлиги, одамларнинг ақл-идроки ҳам қашшоқлиги"ни очиқча баён қилган эди. “Ҳаракат”нинг фикри тан олинишида саммитнинг мезбони Нурсултон Назарбойнинг ҳам роли бўлгани шубҳасиздир.

Бугун Казинформ тарафидан тарқатилган бир хабар Нурултон Назарбой “Ҳаракат”га қулоқ солаётганини яна бир марта исботлайди.

“Ҳаракат” Агентлигининг 2011 йил 15 май куни эълон қилинган “Путин талвасасининг сабаблариидан бири – дунё яқинда электоромобилларга ўта бошлайди” сарлавҳали хабарида Россия ва бошқа нефть сотувчи мамлакатлар ўз келажакларини жиддий равишда ўйлаб кўришлари кераклиги айтилганди. Чунки, электромобиллар сони кескин ошса, нефтдан олинадиган бензинда ишлайдиган автомобилларнинг сони ва нефтга бўлган эҳтиёж кескин камаяди, иқтисоди нефть сотишдан олинадиган фойдага асосланган давлатлар оғир аҳволга тушади.

Хабарнинг сўнгида қўшнимиз Қозоғистон ҳам бу ҳақда ўйлаши кераклиги урғуланган эди.

“Казинформ”нинг бугунги хабарида айтилишича, Қозоғистон 2018 йилда ўзининг электромобилларини ишлаб чиқаришга бошлайди. Келаси йил 300 дона автомобиль чиқарилади, аммо 2019 йилда уларнинг сони кескин ортади. Расмда қозоқлар чиқаришга бошлайдиган электромобилнинг илк нусҳаларидан бирини кўрмоқдасиз.

Маълумки, Европада автомобиль саноати энг кучли бўлган Германия 2020 йилда 1 миллион электромобиль чиқариш устида ишламоқда. АҚШда ҳам шу йўналишда ишлар олиб борилмоқда.

У ҳолда бензинда ишлайдиган автомобилларга эҳтиёж кескин камаяди. Энди бу ҳақда Ўзбекистон ҳукуматидагилар ўйлаши керак.
« Олдинги хабар Хабарлар рўйхати Кейинги хабар »