05 August 2017
06:45 - АҚШ сиёсий майдони масхарабозликда, аммо иқтисод юксалмоқда, Dow Jones рекордлар урмоқда. Ўзбекларга нима?
АҚШдаги президентлик сайловларидан кейин сал кам 9 ой вақт ўтди. Сайловолди кампанияси вақтида Ҳиллари Клинтонни қўллаб қувватлаган, аммо натижада “Ҳаракат” башорат қилганидек Доналд Трамп ғалаба қозонганидан сўнг алам ичида қолган АҚШнинг асосий оммавий ахборот воситалари ва сиёсий элитаси янги президентнинг тирноғи остидан кир қидириш билан оворалар. Уларга кўра, Россия сайлов ишларига аралашиб, натижа гўёки россияпараст Трампниннг фойдасига бўлишига эришган эмиш. Аммо, Россия қандай шаклда аралашган бўлиши мумкинлиги ҳақида ҳатто биронта тахмин ҳам айтилмаяпти.

Хўш, Доналд Трамп сайловолди кампанияси даврида Россия билан душманлик қилиш керакмаслигини гапирган бўлса ҳам, ҳозир Россияга ёқадиган биронта нарса қилолдими? Йўқ. Истаса ҳам қилолмасди, чунки демократик АҚШда ҳатто президентнинг ваколатлари чексиз эмас. Конгресснинг розилигисиз АҚШ Президенти биронта стратегик қарор қабул қилолмайди.

Қолаверса, ҳозир АҚШнинг олдида лотинамерикалик ва мусулмон муҳожирлар сони ортиб бораётгани туфайли катта хавфлар пайдо бўлмоқда. Бу хавфлар борлигини ва унга қарши бир нарсалар қилиш кераклигини биринчи бўлиб айнан Доналд Трамп кун тартибига олиб чиқди ва кичикина бўлса ҳам амалий ишлар қилишга бошлади. Масалан, Мексика билан чегаралар янада мустаҳкамланмоқда, мусулмонларнинг АҚШга келишларини қийнлаштириадиган тўсиқлар қўйилмоқда.

Демократия ва инсон эркинликларини абстракт тушунадиган америкаликлар ҳисобга олинмаса, уларнинг сони кўп ҳам эмас, оддий амеркаликларнинг кўпчлиги ҳали ҳам Доналд Трамп тарафида. Бу ҳам майли, аммо АҚШнинг катта бизнеси Трампнинг сиёсатидан мамнун эканлиги кўриниб турибди.

Аввалари ҳам кўп марта айтганимиздек, АҚШда катта бизнеснинг ва иқтисоднинг аҳволини ўзида акс эттирадиган нарса - ширкатларнинг акциялари сотиладиган Нью-Йоркдаги фондлар биржасининг асосий кўрсатгичи бўлган Dow Jones индексидир. Сайловлардан олдин АҚШдаги энг катта 30 ширкат акцияларининг ўртача қийматини кўрсатувчи бу индекс 18 минг атрофида ўйнаб турарди. Доналд Трамп президент бўлгандан бери тўхтамасдан тарихий рекордлар ураётган Dow Jones индекси шу кунларда 22 минглик маррадан ҳам ошиб ўтиб, кеча, яъни жорийдаги хафтанинг охирги иш кунини 22092 билан тугатди. Dow Jones индексининг 22 минглик маррадан ўтиши янги даврнинг бошланиши деб баҳоланмоқда.

Жойи келгани учун қайтармоқчимизки, АҚШда ишлаётган ўзбеклар ҳам, бошқа мамлакатлардагилар ҳам, фондлар биржаси/бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, ФОНДЛАР БОЗОРИНИНГ АКЦИЯЛАРИДА ҲАМ САҚЛАШНИ ЎРГАНИШЛАРИ ЛОЗИМ.

Масалан, банкда 10 минг доллар пулингиз бўлса, ўтган ойда ярим доллар атрофида фойда олгансиз. Шу пул фондлар бозорининг акцияларида сақланса, фойда камида 200 доллар атрофида бўларди.

Фарқини кўрмоқдамисиз, жаноб америкалик ЎЗБЕКЛАР!!!!

Расмда - жорийдаги ҳафтанинг иш кунлари Dow Jones индексининг зиг-загли ортиб бориши.
« Олдинги хабар Хабарлар рўйхати Кейинги хабар »