28 July 2017
01:22 - Ўзбекларнинг Россиядаги “Ёшлар” ҳаракати раҳбари Ўзбекистонга экстрадация қилинди
Ўзбекистон қонунчилигининг “одам савдоси” моддаси билан айбланган "Умумроссия “Ёшлар” ижтимоий ҳаракати" ташкилоти ва Муҳожирларни ўқитиш минтақавий маркази бошлиғи Махсуд Абдужаббор ниҳоят Ўзбекистонга экстрадация қилинди. 2 йил аввал Санкт-Петербургда ҳибсга олинган Махсуднинг яқинлари унинг Россияда сиёсий қочқинлик сўраганига қарамай, қонунга зид равишда экстрадиция қилинганиини айтишмоқда. Бу ҳақда Россия Федерал Хавфсизлик Хизматининг қўғирчоқ сайти бўлган Fergana.ru хабар тарқатди.

“Уни ўтган ҳафтада экстрадиция қилишди, Тошкентга олиб кетишди. Ўшандан бери у билан алоқа йўқ. Ўша куни мен унинг фейсбук саҳифасида бу ҳақда маълумот бердим ва унинг президент Мирзиёевга электрон қабулхона орқали йўллаган очиқ хатини чоп этдим. Бу 20 июл куни эди – менга учоқдан туриб Тошкентга олиб кетилаётганини билдирди”, дебди унинг рафиқаси Илона.

Бу йигит қанчалик жамоатчи, ёки қанчалик жиноятчи эканлиги ҳақида етарли маълумотлар йўқ, дейди мухбиримиз. Ҳозирча, воқеаларнинг давомини кузатиб бориш керак, холос.
« Олдинги хабар Хабарлар рўйхати Кейинги хабар »