01 July 2017
10:53 - Германия парламенти бир жинслиларга уйланиш ҳаққи берди, мусулмонлар нима қилади?
Кеча Германиянинг парламенти – 630 ўринли Бундестагда 393 га қарши 262 овоз билан бир жинслиларга уйланиш ҳаққи берувчи қонун тасдиқланди. Хабарларда айтилишича мамлакат аҳолисининг 83 фоиз бир жинслиларга уйланиш ҳаққи бериш тарафдори экан.

Канцлер Ангела Маркелнинг ўзи бунга қарши бўлса ҳам, унинг “Христиан-Демократик Иттифоқи” партиясида бу масала бўйича якдиллик бўлмаган. Аммо, Бундестагнинг яқинда сайланган таркибида бу партия кўпчилик овозга эга бўлмагани, у билан коалиция қуриши мумкин бўлган Социал-Демократик Партия эса, “Христиан-Демократик Иттифоқи” билан бир жинслиларга уйланиш ҳаққи берилсагина коалиция қуриши мумкинлигини билдиргач, Ангела Маркел ўз партиясидан сайланган депутатларга бу масала бўйича эркин овоз беришга рухсат берибди. Демак, айнан унинг партияси депутатларидан бир қисмининг овози ҳам қўшилиб, Бундестагда бу қонун қабул қилинди. Ангела Маркелнинг ўзи қарши овоз берганлар ичида бўлибди.

Қаранаг, шундай муҳим ва принципиал масала бўйича тарихий қарор тамомийла сиёсий муаммолар соясида қабул қилинибди.

Gazeta.ru сайти ёзишича, Россия парламентининг юқори палатаси – Федерация Кенгашининг халқаро масалалар бўйича комитети раисининг биринчи ўринбосари, исми-шарифига кўра, мусулмон ҳам бўлиши мумкин бўлган Владимир Джаббаров Бундестагнинг бу қарори бўйича шундай таҳлил берибди: “Европага муҳожирларнинг катта оқими келмоқда. Уларнинг кўпчилиги мусулмонлар бўлиб, уларга бундай масалалар бегона, ҳатто ёввойидир. Мен тушунолмайман, улар бундай қонун бор жойда қандай яшайдилар. Эртами кеч у ерда муҳожирлар кўпчликни ташкил қилади. Ўшанда бундай қонунлар яна кун тартибига чиқади. У ерда жиддий конфликтлар бўлади”.

Владимир Джаббаровнинг таҳлили ўта юзаки, дейди мухбиримиз. Мусулмонлар кўпчиликни ташқил қилиши мумкинлиги ҳақида гапирганда, бу масалага жиддийроқ ёндошиш керак. Европада қандайдир давлатларда мусулмонлар кўпчиликни ташкил қиладиган ҳолга келса, мусулмонлар ўша давлатларни шариат қонунлари билан яшашга ўтказиш ҳаракати бошламайдиларми? Бошлайдилар!

Шариатга кўра, эркаклар кўп хотинлик бўлиши ҳаққига эгалар, эркак 3 марта “талоқ” сўзини айтиб хотинидан ажралиши мумкин, аммо хотинларнинг бунақа ҳаққи йўқ, яъни улар иккинчи сортли одам ҳисобланади. Улар номаҳрамлар билан кўришмасдан яшашлари керак. Ўғриларнинг қўли кесилиши, каттароқ жиноятчилар ва, табиий, гомосексуалистлар, тошбўрон қилиб ўлдирилиши керак. Қолаверса, давлат исломий бўлиши шарт.

Исломий давлатга айланиш ўрта асрларга қайтиш ва охир оқибатда кофирлар яратган ҳамма нарсадан воз кечиб, жумладан, автомобиллардан ҳам, туяларда юришга ўтиш керак бўлади.

Бунинг олдини олишнинг ягона йўли – ҳозирданоқ Ислом динида фундаментал ислоҳотлар ўтказиш ва Ислом дини дунёвийлик/секуляризм принципини қабул қилишига эришишдир. Ана ўшанда дин давлат ишларига аралашмайди, Ислом дунёси ривожланишга бошлайди.

Расмда –Бир жинслиларга уйланиш ҳаққи берувчи қонун қабул қилинишидан хурсанд бўлган Бундестаг депутатлари.
« Олдинги хабар Хабарлар рўйхати Кейинги хабар »