28 May 2017
05:18 - АҚШниннг Орегон штатида оқ танли ирқчи икки мусулмон аёлни таҳқирлашга бошлаб, уларни ҳимоя қилмоқчи бўлган 2 кишини пичоқлаб ўлдирди
Reuters Агентлиги бугун тарқатган хабарга кўра, кеча кечқурун АҚШнинг шимолий-ғарбий қисмида жойлашган, Тинч Океанига чиқадиган Орегон штатидаги Портленд шаҳри атрофида поездда бир оқ танли киши, кўринишидан мусулмон бўлган икки ёш аёлни таҳқирлашга бошлабди ва таҳирланаётган аёлларни ҳимоя қилмоқчи бўлган 3 эркак кишини пичқлабди. 53 ва 23 ёшли икки ҳимоячининг биринчиси ўша ернинг ўзида, иккинчиси касалхонада ўлибди. 22 ёшдаги учинчи ҳимоячи оғир аҳволда ва ҳозир касалхонада даволанмоқда.

Икки мусулмон аёл полиция бу ерга етиб келишидан аввалроқ қочиб кетган, аммо ҳижобдаги қора танли ёш аёлнинг онаси полицияга телефон қилиб, бўлган воқеанинг тафсилотларини ўз қизига асосланиб айтиб берган. Шундан маълум бўлишича, қотил икки аёлни таҳқирлаш пайтида “Мусулмонлар ўлдирилиши керак” каби гаплар ҳам гапирибди.

Қотил авваллари ҳам майда ўғриликда айбланган, бунинг устига ирқчилик ва экстремистик ғоялар тарафдори эканлиги маълум бўлган Жерми Жозеф Христиан (Jeremy Joseph Christian - расмда) исмли одам экан. У дарҳол полиция тарафидан ушланибди.

Reuters Агентлиги бу қонли воқеа мусулмонлар рўза тутдиган Рамазон ойининг арафасида бўлганини алоҳида урғулайди.

Аввал ҳам кўп марта айтилган фикримизни қайтарамиз, дейди мухбиримиз. Ислом дини ўз ичида фундаментал ислоҳотлар ўтказмаса ва ислом терроризмини тўхтатолмаса, мусулмонларга Жерми Жозеф Христиан каби душманларча қарайдиганларнинг сони ортиб бориши муқаррардир.
« Олдинги хабар Хабарлар рўйхати Кейинги хабар »