24 May 2017
02:30 - Қизиқ: Аҳолисининг 5 фоизигина мусулмон бўлган Филиппинларнинг президенти ўз мамлакатида исломий жангарилар оёқланиши туфайли Россияга ташрифини кесиб, уйига қайтди
100 миллионлик аҳолисининг 93 фоизи насроний бўлган Филиппинлар давлати дунёнинг Ўзбекистон даражасидаги қашшоқларидан бири бўлиб, бир миллионча ўзбеклар асосан Россияда мардикорчилдик қилиб оила боқаётганлари каби, 11 миллион филиппинлик АҚШ, Канада, Япония каби давлатларда ишлаб кун кўрадилар. Шу сабабли ҳам, бу давлат кўпроқ Ғарб билан яхши алоқада эди. Аммо, бир йилча аввал президент бўлиб сайланган Родриго Роа Дутерте (расмда) Ғарб лидерларини очиқча сўкишгача бориб, Россия билан яхши алоқалар ўрната бошлади. У балки, марказий осиёлик ва кавказлик мардикор-мусулмонларни Россиядан сиқиб чиқариб, уларнинг жойини эгалламоқчидир.

У кеча Россияга расмий ташриф билан бир неча кунга келди, россиялик ҳамкасби билан учрашувлар 25 майга режалаштирлган эди. Кўринишидан, у Россия билан яхшилаб танишиш учун бу ерда бир неча кун бўлиб, Россия билан бир қатор ҳужжатлар ҳам имзоламоқчи эди.

Аммо, айнан кеча унинг юртидаги ИШИД билан боғлиқ бўлганлиги айтьилаётган ислом жангарилари ҳукумат қўшинларига қарши уруш бошладилар. Родриго Роа Дутерте кеча кечасига яқин шошилинч равишда Путин билан қисқа учрашув ўтказди ва бошқа ишларни ташқи ишлар вазирига топшириб, зудлик билан мамлакатига учиб кетди.

Эслатиш керакки, Филиппинларнинг қўшнилари Малайзия ва Индонезияда мусулмонлар тахминан 60 ва 90 фоизни ташкил қиладилар, уларнинг иқтисодий аҳволи филиппинларникдан бир неча марта яхши. Бунинг устига, Индонезия аҳолисининг сони бўйича дунёдаги энг катта мусулмон давлатидир. Тахмин қилиш мумкинки, филиппинлардаги ислом жангариларини ИШИД эмас, кўпроқ қўшни давлатлардаги мусулмонлар қўллаб-қувватламоқдалар.

Филиппинларнинг Президенти Россияга ташрифини кесиб, юртига кетишга қараганда, айнан унинг мамлакати энди исломий терроризм марказларидан бирига айланса ажаб эмас.
« Олдинги хабар Хабарлар рўйхати Кейинги хабар »