12 February 2017
15:16 - Масхарабозлик: Бугун Туркманбоши-2 қайтадан президентликка сайланади
Туркманбоши сифатида танилган Президент Сапармурат Ниёзов 2006 йилнинг охирида ўлгандан кейин, 2007 йилда президентликка сайланган ва ҳеч қандай шубҳасиз ўлгунча президент бўладиган, биз тарафимиздан Туркманбоши-2 деб аталган Қурбонгули Бердимуҳаммад бугун президентликка қайтадан сайланади. Аввал ҳар 5 йилда бир марта сайланарди, яқинда Конституцияга ўзгартириш киритилганадан кейин бугун биринчи марта 7 йилга сайланади.

Туркманистондаги сайловларнинг Ўзбекистондагилардан ҳеч фарқи йўқ, бир оғиз сўз билан айтсак, масхарабозлик. Бугунги сайловларда 9 (!!!!) номзод иштирок этаётганидан тушуниш мумкинки, масхарабозлик чўққиларга чиқиб бормоқда. Туркманбоши-2 билан бирга номзод бўлганларнинг 2 таси қандайдир қўғирчоқ партияларнинг раҳбарлари, қолган 6 таси эса, гўёки ташаббус гуруҳлари тарафидан кўрсатилган.

Туркманистон аҳолисининг сони 5,2 млн, сайловда 3,2 млн киши қатнашади. Сайловчиларнинг ярмисидан кўпининг овозини олган одам президент деб аълон қилинади.
« Олдинги хабар Хабарлар рўйхати Кейинги хабар »