31 January 2017
20:24 - Ўзбекистонда йилнинг охиригача тирикчиликнинг минимал миқдори белгиланармиш, буни тезроқ қилса бўлмайдими?
Мамлакатда илк бор яшаш учун кифоя қиладиган минимал маблағ мидори ҳисоблаб чиқилади, деб ёзмоқда UzekistanToday газетаси. Шу йилнинг охирига қадар Республикада "Энг кам миқдордаги ижтимоий стандартлар тўғрисида"ги қонун ишлаб чиқилади. Янги қонунда, яшаш учун керак бўлган маблағнинг энг кам миқдорини аниқлаш тизими жорий этилади. Шундан сўнг ижтимоий тўловлар миқдори, аҳоли эҳтиёжидан келиб чиққан ҳолда белгиланади.

Шунингдек, янги қонунда инсоннинг таълим, тиббий ёрдам ва турар жойга бўлган эҳтиёжига алоҳида эътибор берилади. Бундай ҳуқуқий акт Ўзбекистонда биринчи бор қабул қилинмоқда. Қонун ишлаб чиқарувчилар гуруҳи таркибига Молия, Иқтисод, Меҳнат, Соғлиқни сақлаш ва Таълим вазирликлари мутахассислари киритилган.

Бунақа ишлар қилишда катта анча олға кетган мамлакатлар дунёда кўп. Уларнинг тажрибасидан фойдаланиб, керакли қонун лойиҳасини бир неча ойда ишлаб чиқса бўлади. Бизда бунинг учун сал кам бир йил ажратилаётганини тушуниб бўлмайди.
« Олдинги хабар Хабарлар рўйхати Кейинги хабар »