АҚШдаги сал кам ҳамма оммавий ахборот воситалари 20016 йил 8 ноябрдаги президент сайловлари олдидан Доналд Трампга қарши бўлиб, Ҳиллари Клинтонни қўллаб-қувватладилар. Ҳамма сўровномларда Ҳиллари Клинтон олдинда эканлигини ёздилар.

Аммо, ҳамма нарса “Ҳаракат” айтгандек бўлди. Тўғрироғи, “Бирлик” Партиясининг жарчиси бўлган “Ҳаракат” агентлиги “Бирлик” лидери Абдураҳим Пўлатнинг ўтган йили ўша пайтдаги АҚШ Президенти Барак Обамага ёзган хатидаги “Ҳа, Доналд Трамп бироз қўпол гапирмоқда, аммо у ҳақдир. Америкаликлар уни эшитдилар, керакли хулосани чиқарадилар” деган сўзларини қайта-қайта такрорлади ва ҳақ бўлиб чиқди.

Кейинги воқеалар Абдураҳим Пўлат мутлақо ҳақ эканлигини кўрсатди, америкаликлар Доналд Трампга овоз бердилар. Мана энди Доналд Трамп АҚШнинг 45-чи президенти бўлди.

Аввалги хабарларимдан маълумки, ўтган йилнинг ўрталарида, яъни сайловолди кампанияси даврида ҳамма талвасада экан, Нью-Йорк фондлар биржасининг асосий кўрсатгичи бўлган Dow Jones зиг-загли тушишлар ичида эди. Аммо, Доналд Трамп Президент пойгасида ғолиб чиққанлиги маълум бўлиши биланоқ, Dow Jones тарихий рекордлар урабошлади ва декабрь ойларининг бошларида 20 минг остонасига келди.

Мана, бу йил 20 январда Доналд Трамп президентлик курсисига ўтирди. Сайловолди кампанияси даврида Ҳиллари Клинтонни қўллаб қувватлаб, сайлов натижаларидан кейин шарманда бўлган оммавий ахборот воситалари ҳали ҳам алам ичида Трампга ташланишни давом эттирмоқдалар.

Аммо, амрикалиликларнинг мутлақо кўпчилиги Доналд Трамп тарафида. Бизнес ҳам. Бунинг исботи – бугун Dow Jones тарихда биринчи марта 20 минглик поғанадан ҳам ўтди ва 20082 га тенг бўлди. Маълумки, Dow Jones индекси АҚШдаги энг катта 30 ширкат акцияларининг ўртача қийматини ўзида акс эттирувчи рақамдир. Демак, катта ширкатлар акцияларининг нархи шундай рекорд даражага юксалди. Бу – Доналд Трампга бўлган ишончнинг кўрсатгичидир.

Ўзбеклар ҳам кўзини очиши, АҚШдек давлат ичида бўлаётган жараёнларнининг эртанги кунини кўрабилишда АҚШдаги ахборот воситаларидан савияли эканлигини кўрсатган, Ўзбекистондаги жараёнлар ҳақида тўғри башоратлар қилаётган “Ҳаракат” Агентлигининг хабарларини ўқишлари керак. Қолаверса, бошқа йўллари ҳам йўқ.