14 January 2017
18:32 - Туркияда отатуркчи ва исломчи депутатларнинг уйлари солиштирилмоқда
2 кун аввалги хабарларимиздан бирида Туркия Буюм Миллат Мажлисида Конституцияга киритилаётган ўзгартиришларнинг муҳокамаси пайтида ҳокимиядаги ва мухолифатдаги партияларнинг депуталари ўртасидага баҳслар муштлашишгача бориб етгани, Президент Ражаб Эрдўғон Конституциянинг жорийдаги матнига кўра ҳеч бир партия аъзоси ва тарафдори бўлмаслиги кераклигига қарамасдан, ўша жанжалда бурни қирилган исломчиларнинг Адолат ва Тараққиёт Партияси депутати Фотиҳ Шаҳинни уйига бориб зиёрат қилганини билдирган эдик.

Ҳозир маълум бўлишича, отатуркчиларнинг Жумҳурят Халқ Партияси раиси Кемал Қиличдорўғли ҳам ўша муштлашишда жароҳат олган ўз партиясининнг депутати Ниёзи Қорани уйига бориб зиёрат қилган экан.

Туркия ахборот воситалари бу икки зиёрат пайтида олинган иккита расмни ёнма-ён қўйиб, икки депутатнинг уйи қандай эканлиги ҳақида гапирмоқдалар.

Чапдаги расмда отатуркчи депутат Ниёзи Қоранининг, ўнгдаги расмда исломчи депутат Фотиҳ Шаҳиннинг уйини кўрмоқдасиз. Иккала расм ҳам бу уйларни Қиличдорўғли ва Эрдўғон зиёрат қилган пайтда олинган, уларни ҳам расмда кўрмоқдасиз. Ҳақиқиатдан ҳам, Туркия ахборот воситаларида айтилаётгандек, отатуркчининг уйи оддий уй бўлса, исломчиники люксдир.

Табиий, исломчи депутат ҳар куни 5 маҳал намоз қилади, Рамазон ойида рўза тутади, бир неча марта ҳаж ҳам қилиб келган бўлса керак. Шундай экан, айнан Оллоҳ унга ҳамма нарсани, жумладан, люкс уй қуришга етадиган маблағ ишлаш учун имкон бергани ўз-ўзидан маълумдир. Кўринишидан анчагина ёш бўлган бу депутат оддий коррупционер ва порахўр эканлиги ҳақидаги тахминнинг ҳозирча исботи йўқ. Аммо, ахир бир кун исботлар ўртага чиқади.

Ражаб Эрдўғон эса, агар у ҳақиқий президент бўлса, иккала депутатнинг уйига бориши керак эди.
« Олдинги хабар Хабарлар рўйхати Кейинги хабар »