07 January 2017
20:11 - Бечора Ўзбекистонимиз: Россиядан картошка импорт қилинмоқда, бу воқеа СССР замонидаги латифани эслатади
МегаТюмень интернет нашрига кўра, Россиянинг Тюмень вилоятида фаолият олиб борувчи КРиММ агрофирмаси томонидан етиштирилган 82 минг тонна картошканинг илк партияси ўзбекистонликлар дастурхонига етказиб бериш учун йўлга чиқарилган. Мазкур келишув агрофирма томонидан Ўзбекистон билан йўлга қўйилган ҳамкорликнинг бошланиши, дейди КРиММ мулозими.

Мухбирларимизга кўра, ҳозирда Тожикистон ва Қозоғистондан ҳам картошка импорт қилиниши эвазигагина бозорларимизда бу хилдаги маҳсулотга тақчиллик сезилмаяпти. Аксинча, бу йил Ўзбекистонда картошка режаси 20 фоизга ҳам бажарилмади ва импортга катта эҳтиёж сезилди. Таъкидлаш керак, марҳум Ислом Карим даврида тақчиллик бўлишига қарамай қишлоқ хўжалиги маҳсулотларининг импорти деярли йўқ эди.

Шу хабар бахонасида ўтган асрнинг 60-чи йиллари бошида СССРда тарқалган латифани эслаш керак. Латифа қуйидагича.

Икки ўртоқ гаплашмоқда. Улардан биринчиси “Эй, ярамас, ифлос Сталин, онангни фалонига фалон, нималар қилиб кетдинг ўзи?” деганда, иккинчиси сўрабди: “Нима бўлда, у бечорага ёпишиб қолдинг?” Биринчининг жавоби шундай: “Кўрмайсаними, у бор-йўғи 10 йилга етадиган нон тайёрлаб кетган экан”.
« Олдинги хабар Хабарлар рўйхати Кейинги хабар »