23 December 2016
19:22 - Жиззах вилоятига янги ҳоким тайинланди - Улуғбек Узоқ
Бугун халқ депутатлари Жиззах вилояти кенгашининг навбатдан ташқари сессиясида ташкилий масала кўрилди. Сессияда иштирок этган Президент Шавкат Мирзиёнинг таклифи билан вилоятга Улуғбек Узоқ (расмда) ҳоким этиб тайинланди. У бунга қадар Вазирлар Маҳкамаси департаментларидан бирини бошқариб келган экан.

Лавозимидан бўшатилган Сайфиддин Исмоил эса Шароф Рашидов номи қайтадан берилган Жиззах туманига ҳоким этиб тайинланди.

Шунингдек, президент Шавкат Мирзиё тушдан сўнг халқ депутатлари Самарқанд вилояти кенгашида ҳам иштирок этиб, бу вилоятга ҳам янги ҳоким тайинлабди. Ҳозирча янги ҳокимнинг кимлиги ҳақидаги маълумот матбуотга чиққани йўқ. Бу вилоятнинг собиқ ҳокими Зойир Мирза бир неча кун аввал Қишлоқ ва сув хўжалиги вазири этиб тайинланганди.
« Олдинги хабар Хабарлар рўйхати Кейинги хабар »