21 September 2016
22:27 - Туркия ва Украина президентлари БМТнинг Хавфсизлик Кенгашида ислоҳотлар ўтказилиши кераклигини гапиришди
БМТнинг шун кунларда давом этаётган Бош Ассамблеясида нутқ сўзлаган Туркия Президенти Ражаб Эрдўғон ва Украина Президенти Петр Порошенко Хавфсизлик Кенгашида ислоҳотлар ўтказилиши лозимлигини айтишди. Уларга кўра, Хавфсизлик Кенгаши айнан хавфсизлик масалаларида ҳеч нарсага эришолмаяпти. Порошенко Хавфсизлик Кенгаши Қрим ва Донбасс масаласидан ҳеч нарса қилолмаётганини алоҳида урғулаган.

Қизиғи, шундаки, бу икки президент ўзаро учрашув ҳам ўтказганлилар. Балки, айнан ўша учрашувда Хавфсизлик Кенгаши ислоҳотларга муҳтож эканлиги хусусида гапиришга келишиб олгандирлар.

Аммо, бундан ҳам қизиғи, оммавий ахборот воситаларида айтилаётгандек, Ражаб Эрдўғон бу учрашув пайтида Туркия Қрим масаласида Украина тарафида эканлигини урғулабди. Унинг бу сўзларини “Ҳаракат” олқишлайди. Аммо, айни замонда, Путин билан оғиз-бурун ўпишишга қайтaдан бошлаган Эрдўғон энди буёғи нима бўлишини яхши тушунадими?
« Олдинги хабар Хабарлар рўйхати Кейинги хабар »