16 September 2016
16:46 - Путин Бишкекга ҳали етиб келмагани сабабли МДҲ саммити бошланмади, ташқи ишлар вазирларининг Кенгаши бўлиб ўтди
Қирғизларнинг расмий Кабар давлат агентлиги биттагина жумла билан МДҲга кирувчи давлатларнинг ташқи ишлар вазирлари Кенгаши Қирғизистон вазири Эрлан Абдилдаев раислигида бугун бўлиб ўтганини хабар қилди. Мажлисда қандай масалалар кўрилгани айтилмаган ҳам. Фақатгина қатнашувчилар рўйхати берилган. Булар - вазирлар Эрлан Абдилдаев (Қирғизистон), Сергей Лавров Россия), Ерлан Идрисов (Қозоғистон), Абдулазиз Комилов (Ўзбекистон), Сироджидин Аслов (Тожикистон), Владимир Макей (Белорусия), Эдвард Налбадиян (Арманистон), Андрей Галбур (Молдова), вазир ўринбосарлари - Вепа Хожиев (Туркманистон), Халафоф Халаф Али ўғли (Озорбайжон), ҳамда Украинанинг Бишкекдаги элчиси Николай Дорошенко.

Москвада оби-ҳаво ёмонлиги туфайли Россия Президенти Владимир Путиннинг учоғи кечикиб учган ва ҳали Бишкекга етиб келмаган, шу дақиқаларда келиши кутилмоқда. Шундан кейин МДҲ саммити бошланади.

Аввал хабар қилганимидек, саммитда Ўзбекистон номидан Абдулазиз Комил қатнашади.
« Олдинги хабар Хабарлар рўйхати Кейинги хабар »