13 September 2016
18:43 - Жума куни ўпирилиб тушган Нью-Йорк фондлар биржаси кеча тикланишга бошлади, АҚШ ҳам ислоҳоатларга муҳтожми?
Ўтган жума куни, яъни 9 сентябрда Шимолий Корея энг кучли ядровий бомбани портлатгани эълон қилингандан кейин, Нью-Йорк фондлар биржасининг асосий кўрсатгичи бўлган Dow Jones индекси 395 поғанага ўпирилиб тушиб, 18085 га тенг бўлганди. Биз бу ҳақда “қандайдир Жанубий Кореядаги ядровий бомба синови Dow Jones индексини бунчалик уриши АҚШнинг ишлари яхши эмаслигини кўрсатувчи жиддий сигналдир” деб таҳлил ҳам бергандик.

Кеча, яъни бу ҳафтанинг биринчи иш куни Dow Jones юқорига сапчиб 18325 га чиққан ва жума кунги тушишнинг ярмичасини қоплаган эди. Бугун эрталаб Нью-Йорк фондлар биржаси очилиши билан Dow Jones бир неча дақиқа ичида яна ўпирилиб тушди, ҳозирча тахминан 150-200 поғанага. Экспертлар бунинг сабаби сифатида якшанба куни АҚШ президентлигига номзод Ҳиллари Клинтоннинг ҳушидан кетиб, йиқилиб тушиши билан изоҳласлар ҳайрон бўлмаслик керак.

“Ҳаракат”нинг фикрича, Нью-Йорк фондлар биржасидаги бундай барқарорсизликлар ҳам АҚШда жиддий ўзгаришлар, ислоҳотлар кераклигининг, бундай ўзгаришлар ҳақида гапираётган Республикачилар Партиясининг президентликка номзоди Доналд Трамп ҳақ эканлигининг кўрсатгичидир. Кўрамиз, Доналд Трамп президент бўлгач, бир маҳаллар СССРда Горбачев қилганга ўхшаш “қайта қуриш” қиладими? Қилса ҳам Горбачевнинг тажрибасидан келиб чиқиб, жуда эҳтиёт бўлса керак.
« Олдинги хабар Хабарлар рўйхати Кейинги хабар »