16 May 2016
15:22 - Ўзбекистон “қора бозор”ида АҚШ долларининг қиймати кескин пасаймоқда, расмий курс ортмоқда
Бугун куннинг иккинчи ярмида Ўзбекистон “қора бозор”ларида АҚШ долларининг қиймати кескин пасайиб кетди. Саррофлар 1 АҚШ долларини 5400 сўмдан харид қилишиб, 5500 сўмгача сотишмоқда. Уларнинг таъкидича, АҚШ доллари қийматининг пасайиши шу йилнинг 1-2 июнь кунлари Тошкентда Шанхай Ҳамкорлик Ташкилоти саммитининг ўтиши билан боғлиқ. Маълум бўлишича, саммит олдидан Ўзбекистон ҳукумати айрим соҳаларда конвертацияга изн берган.

Ўзбекистон Марказий Банки эса бугун 2016 йилнинг 17 майидан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматини белгилаган. Унга кўра, 1 АҚШ доллари 2914 сўм 10 тийин этиб белгиланди. Бу 11 майдаги курсга нисбатан 4 сўм 85 тийинга кўп.
« Олдинги хабар Хабарлар рўйхати Кейинги хабар »