Тошкент вақти - 
20 February 2016
14:15 -
Нью-Йорк фондлар биржасининг Dow Jones индекси сўнги ҳафтада ўсди, сабаб Доналд Трампнинг ютуқлари эмасми?
14 февралдаги хабаримизда Нью-Йорк фондлар биржасининг асосий кўрсатгичи Dow Jones индекси 2015 йилнинг охирларида 18 мингдан ҳам юқорида бўлиб, 12 февралда, яъни аввалги ҳафтанинг охирги иш куни 15974 бўлганини айтар экан, демак, тахминан 2 ой ичида Dow Jones индекси 2 мингдан, яъни 10 фоиздан кўпроққа тушиб кетганини таъкидлгаан эдик.Бундай тушишнинг асл сабаби Нью-Йорк фондлар биржасида АҚШнинг ҳозири ҳукуматига ишонч йўқлиги эканлигини урғулар экан, бундай хулосани “Ҳаракат”дан бошқа ҳеч ким қилмаётганини айтгандик. Мана орадан яна бир ҳафта ўтди, бу вақт ичида Нью-Йорк фондлар биржасида нималар бўлди.
16 февраль, яъни душанба куни АҚШда байрам бўлгани сабабли биржа ишламади. Жорийдаги ҳафтанинг сешанба ва чоршанба кунлари Dow Jones индекси тахминан 500 поғанага юксалиб, пайшанба ва жума кунлари тахминан 100 поғана тушиб кетди. Ҳафтанинг охирги иш куни бўлган 18 февралда биржа бекилганда Dow Jones 16392 га тенг эди. Демак, бу ҳафтада Dow Jones 418 га юксалди.
Ваҳолангки, на АҚШ, на дунё иқтисодида жиддий ўзгариш бўлгани йўқ. У ҳолда ўсишнинг сабаби нима?
“Ҳаракат”нинг фикрича, бу йил ноябрь ойида бўладиган сайловларда Республикачилар Партияси номидан номзод бўлиш учун курашаётган Доналд Трампнинг шанси ортаётгани Нью-Йорк фондлар биржасини рағбатлантирмоқда. Бу фикр қанчалик тўғри ёки нотўғри эканлигини яқин келажакда кўрамиз.
