27 January 2016
21:32 - Ислом Карим учун кутилмаган хабар: Украина-Ўзбекистон эркин савдо битими у тарафдан тасдиқланди
Украина Радаси Ўзбекистон билан 2011 йилда имзоланган эркин савдо битимини ратификация қилди. Мазкур битимда Украина ва Ўзбекистон ўртасида савдо режимини соддалаштириш, божхона тўловларини тўла бекор қилиш назарда тутилади. Битимга кўра, томонлар бир бирларини 2020 йил 31 декабрига қадар ўзаро бож тўловларидан озод қилишади.

Мазкур битим қарийб 5 йил аввал тузилган бўлиб, уни ратификация қилиш Украинадаги ижтимоий-сиёсий вазиятнинг барқарор эмаслиги ҳамда Ўзбекистон томонидан бир қанча ҳуқуқий акстларнинг қабул қилинмагани туфайли ортга сурилиб кетди. Аммо Европа Иттифоқига кириши муқаррарлашаётган Украина билан эркин савдо ҳудудини яратиш Ўзбекистон учун ҳар жиҳатдан фойдали эканини таъкидлаш зарур, дейи мухбиримиз.

Аммо, масаланинг бошқа тарафи ҳам бор. 2011 йилда Ўзбекистон ва Украина эркин савдо ҳудуди ҳақидаги биримни имзолаганда Украинадаги конфликт йўқ эди, бу конфликт туфайли Россия-Ғарб совуқ уруши бошланмаган, Россия Украинани изоляция қилиш билан машғул бўлмаган эди. Бугун Россия Украина Радаси тасдиқлаган битимдан жиғи-бийрон бўлиши муқаррар. Шубҳасиз, Кремлдан Оқ Уйдаги малайларига телефон қилишади, Ўзбекистон бу битимни амалда ишга туширмайди. Агар у ҳали Олий Мажлис тарафидан ратификация қилинмаган бўлса, қилинмасдан қолдирилади.
« Олдинги хабар Хабарлар рўйхати Кейинги хабар »