21 October 2015
08:46 - Москва Давлат Университети Европанинг ривожланаётган давлатлари ичида биринчи, аммо дунё бўйича 108-чи ўринда
Олий ўқув юртларининг рейтингларини ҳисоблаш билан шуғулланадиган Буюкбританиядаги Quacquarelli Symonds компанияси Европа ва Марказий Осиёдаги ривожланаётган давлатлар ичида биринчи ўринга Москва Давлат Университетини қўйибди. 2-чи ўринда Новосибирск Давлат Университети, 5-чи ўринда Санкт-Петербург Давлат Университети. Бу ҳақда хабар берган рус хабар агентликлари бошқа ўринлар қайси университетларга берилганини ёзмаганлар.

Quacquarelli Symonds компаниясининг сайтида жаҳон бўйича университетларнинг рейтинг бўйича рўйхати ҳам бор.

Унга кўра, Москва Давлат Университети 108, Санкт-Петербург Давлат Университети 256, Ал-Фаробий номли Қозоқ Миллий Университети 275 ва Новосибирск Давлат Университети 317-чи ўринда. Ўзбекистоннинг биронта олий ўқув юрти биринчи мингталикда ҳам кўринмайди
« Олдинги хабар Хабарлар рўйхати Кейинги хабар »