21 August 2015
20:06 - Ўзбек давлат циркининг фаолияти тўхтатиб қўйилди
Мамлакатдаги ягона марказлашган цирк – Ўзбек давлат цирки фаолияти Ўзбекистон Республикасининг “Фаолиятнинг айрим турларини лицензиялаш тўғрисида”ги Қонунига мувофиқ, тегишли фаолият лицензиясидан маҳрум қилинди. Маълум бўлишича, Ўзбекистон Республикаси Вазирлар Маҳкамасининг Сайёҳлик фаолиятини лицензиялаш Комиссияси 2015 йил 18 августдаги йиғилиши баённомасига биноан солиқларни ўз вақтида тўламагани учун жазоланган.

Маҳаллий циркимиз артистлари ҳозирча ишламайди, аммо юртимизда гастролда бўлиб турган Москванинг "Сув устидаги цирк"и ўз дастурларини Тошкентдаги цирк биносида 30 августгача давом эттиради.

Шунингдек, ҳукумат комиссияси қарори билан мамлакатда фаолият кўрсатаётган 19 та сайёҳлик фирмаси лицензияси ҳам сайёҳлик қонунчилиги бандлари бажарилмагани сабабли 10 иш кунига тўхтатиб қўйилган.
« Олдинги хабар Хабарлар рўйхати Кейинги хабар »